ZUCIYA......kowa da irin tasa 11

*ZUCIYA*
       _ĸowa da ιrιn тaѕa_

© *na Ayυѕнer Mυнd*
    ayushermohd.blogspot.com

1⃣1⃣

      Ashraf ne ya kalleta kadan yace "Aneesah tailorn ki kuwa yana nan? "
  Fuska ta kara daurewa tamau tace " menene? "

   "kayan Nafisa nake tunanin muje akai mai can naga ba laifi ya iya d'inki sosai. "

   Jitai zuciyarta na neman tsagewa saboda takaici, rasa ma mai zata cemai tai,  kawai sai ido ta bishi dashi, ganin kamar bai ma fahimci ranta a b'ace yake ba yasa tace " Yaya d'anyi parking."

   Cikin mamaki ya kalleta yace " parking kuma? "

  Kai ta d'aga hakan yasa ya gangara gefen titi,  ta bud'e kofar ta sannan ta kalleshi tace " randa zaka fita domin ni ka d'aukoni amma bazan zauna kusa da kai domin wata ba. " tana kai nan tai waje,  ya bita da kallo cikin mamaki, me take nufi domin wata? 

  Yana kallanta ta tari adaidaita, ga magrib ta kawo kai,shima ya ja mota yai gaba.

  Aneesa na shiga mota ta fara matsar kwalla dan tsabar takaici ita zai d'auka su zaboma wannan kucakar kaya?

   Tana isa gida ta wuce gun ummanta da gudu nan ta sanar da Ummanta duk abinda ya faru sannan ta d'ora da cewa " Umma kinga lesukan dana zab'a kuwa?  Na d'auka nawa ne?  Ina wannan kucakar ina sa kayan dubu talatin? "

   Umma ma da ranta yakai kololuwar tashi tace " kwantar da hankalinki ita d'in banza?  Har ta isa tasaki kuka?  Bare har ta had'aku fad'a da Ashraf?"

  Aneesa ta goge kwallarta tace " Umma me Ashraf yake cemin? "

  "Neesah mana,  tun kina karama yake fad'a miki haka shi yasa wasu ma haka suke ce miki."

     Aneesa tai kwafa tace " to Umma tunda na cemai wannan yarinyar ta d'auka ita ya kira d'azu bai sake cemin Neesah ba har yanzu. "

   Umma ta kanne ido cikin b'acin rai tace " Aneesa kada ki kuskura ki kara yadda Ashraf yasan bakyasan yarinyar nan,  sannan karki kara yimai musu akanta."

   Aneesa ta mata kallan mamaki,  Umma tace " tabayan gida zamu b'ulo mata,  ni na fad'a miki bazata cika sati a gidan nan ba zata d'auki tsuman kafafuwanta tayi gaba. "

   Aneesa ta jinjina kai alamar gasuwa tace " Umma ni ko ganinta ma bana sanyi wlh. "

   Umma tai murmushi tace " d'aure kinji 'yata,  sati d'aya yayi yawa. "

   Nan sukai murmushin mugunta su dukansu.

      Nafi kam tana zaune a d'aki ita kad'ai mahaifinta ne ya fad'o mata a ranta tace " ko baffa yana me? "

   Jitai an kwankwasa kofa hakan yasa ta mike tare da yafa d'an kwalinta ta bud'e kofar, Matar data gani d'azu itace ta gani yanzu,  ko ba'a fad'a ba tasan Mahaifiyar Ashraf ce,  murmushi ta mata sannan tace "fito falo muyi magana."

    Tai gaba Nafi ta bita a baya,  akan kujera ta zauna hakan yasa Nafi ta zauna daga nesa kadan a kasa,  Mumy ta kalleta tace " ya sunan? "

  "Nafi. " ta fad'a kanta a kasa.
Mumy tace " Nafisa kenan ai."
Nafi tace " Eh." tai maganar cikin sanyin murya.

   Mumy ta kalleta da gani batafi sa'ar Little ba tace " kinsan ko ni wacce? "

  Nafi tad'an kalleta kad'an sannan tace " Mamar Dan Binni ko? "

   Mumy tai dariya tace " Ashraf kenan? "
Kai ta d'aga itama tana murmushi,  Mumy tace " Nafi iyayenki fa? "

  Kallan Mumy tai jiki a sanyaye batace komai ba,  Mumy tace " Nafi karkiji komai ki sanar dani duk abinda ya faru babu wani abu, ni mahaifiyar Ashraf ce."

   Nafi tai shiru me zatace? Me zatace?

  Jitai Mumy tace " Nafi!! "

  A hankali Nafi tace " Mahaifiyata ta koma saudiyya da zama,  mahaifina shine yake kokarin aurar dani ga babban mutum shine Dan binni ya taho dani. "

   Mumy tai shiru ba shakka yarinyar abin tausayi ce amma ita tasan Ashraf sarai shi ba mai shiga abinda bai shafeshi bane bare har ya d'auko yarinya daga gaban mahaifinta.

  Ta kalli Nafi tace " Kidinga kirana Mumy kamar yanda kowa yake cemin,  sannan ki saki jikinki kamar nan ma gidanku ne. "

   Nafi ta d'ago ta kalli Mumy idanunta suka ciciko,  Mumy tai murmushi tace " Karki damu kinji?  Sannan karki kara cema Ashraf dan binni kidinga cemai Yaya kamar yanda kowa ke cemai. "

   Ta d'aga kai,  ba shakka yanda taga yanayin 'yan gidan lalai in tsautsayi ya sa akasan an d'aura musu aure da Ashraf to fa lalai tanaji ko Mumy bazata sakar mata fuska ba.

  Nan Mumy ta mike tace " Little ba ta dawo ba? "
Nafi tace " eh. "

  Mumy ta jinjina kai sannan tai waje.

   Nafi tabi bayanta da kallo sannan tai murmushi.

  Mumy na fitowa daidai nan Ashraf ya dawo daga masallaci yana shirin yima little magana,  ganin Mumy ta fito yasa gabansa ya fad'i,  yasan mumy da fasaha da iya bugar ciki da alama taje ta bigi cikin Nafi ta fada mata komai,  Mumy na wucewa yai wuf ya shiga bangaren.

   Nafi lokacin ta mike kenan zata shiga d'aki,  jin sallamar Ashraf yasa ta tsaya cak ta kasa juyowa sai dai ta amsa,  Ashraf ya shigo da hanzari yazo daf da ita yanda har numfashinsa take jiyowa hakan yasa gabanta ya shiga bugawa,  juyowa tai cikin tsoro hakan yasa suka fuskanci juna daf da daf, gabanta ne ya cigaba da fad'uwa har tanaji kamar shima yanajin bugun da zuciyarta yake.

  Shikam cikin rashin damuwa yace " Nafi me kika cema Mumy?"
   Kasa magana tai sai bakinta dake motsi shi kadai,  Ashraf cikin takaici yace " kin fada ko? "

   Kai ta girgiza alamar a'a,  yace " ke nake jira me kika ce mata? "
  Gaba d'aya jitai ta kasa magana,  da sauri ta murda kofar d'aki ta shige tabarshi a nan,  tana shiga ta sulale ta zauna a kasa,  ya za'ai ya matso mata haka daf yace wai tai magana?

Ashraf yabi dakin da kallo cikin takaici ya juya yai waje,  yana zuwa kofa Aneesa na shigowa,  tana ganinshi tai murmushi tace " Yaya sry ina gun Umma ne. "

   Fuskar nan a had'e dama ransa ya gama b'aci yace "Ni har zaki rainawa hankali muna tafiya dake ki fita ki hau adaidaita? "

   Kallansa tai cikin mamaki ta d'auka hakuri yazo bata,  ta daure tace " Yahkuri Yaya dazun ne raina a b'ace yake. "

   "Na gane" kawai yace ya wuceta yai gaba.

  Kallansa tai cikin mamaki.

   Ashraf yai waje a zuciye,  d'akinsa ya wuce.

  Itakam Nafi anan take a zaune har Little ta dawo wajen Isha'i,  ta kalleta tace " Nafi me kike a nan? "

   Nafi ta mike ba tare datace komai ba ta nufi ban d'aki,  sai kuma ta dawo tace " Maryam taramin ruwa inyi alwala dan Allah. "

  Little tai murmushi sannan ta ajiye takardun data amso ta tara mata.

  

     Little ta kula da yanda Nafi take sallah tasan kuma da alama batamasan me ake cewa ba,  sunci abinci wanda Little ta d'auko musu sannan suka zauna hira, Little tace Nafi ta bata labarin rayuwar kauye.

   Nan Nafi ta fara bata labaruruka tace " ni ba shiga mutane nake ba amma fulanuwa masu tsayawa a rafi gunsu nake zama.
  Little tayi dariya sosai in taji wani labarin cikin labarin ta bige cikinta akan sallah.

  Nafi tace " Ni kawai yi nake yanda naga Innata tanayi. "
  Little tace "Zan koya miki yanda akeyi. "

  Nafi cikin farin ciki ta amsa da to.
  Sun dade suna hira sosai kafin su kwanta.

                    ***********
  A bangaren Mumy kuwa ta sanar da mijinta abinda ya faru acan sannan ta karasa maganar da cewa " Alhaji kasan halin Ashraf tunda kaga ya d'auko yarinyar nan to tabbas tausayinta ne yamai yawa gashi ta taimakeshi. "

Kawu yai shiru can yace " shikenan Hajiya dama ni ban ce komai ba mamaki nake yanda akai Ashraf har ya shiga abinda ba nashi ba. "

  Mumy ta ce" nima wannan abun ya ban mamaki sai dai inaji a jikina akwai dalilinsa nayin haka. "

  Kawu yai murmushi yace " ai dama Ashraf baya laifi. "

  Ta kalleshi kawai tai murmushi  batace komai ba.

  Ashraf kam ya kasa zama,yanzu in akaji ya auri wannan kucakar ai an gama zubar mai mutunci, hakan yasa ya kira wayar Mumy.

  Da mamaki Mumy ta kalli mijinta sannan ta kalli wayar,  cikin tsananin mamaki ta daga tace "Ashraf? "

  Gyaran murya yai sannan yace " Mumy dazu me Nafi ta ce miki? "

    Mumy da mamaki tace " me ya faru? "

   Yace " ba komai, sai da safe. "

Da sauri ganin zai kashe wayar tace " Ashraf!"
  Naam kawai yace.
Nan ta sanar dashi duk yanda sukai,  ajiyar zuciya yai sannan yai saurin kashe wayar,  mumy tabi wayar da kallo cikin mamaki da rashin fahimta sai dai hakan a tabbatar mata akwai wani abu.

    Ashraf yabi wayar da kallo tare da furzar da wata iska yace " Da alama tanada wayau."

    Murmushi yai sannan ya zauna a bakin gadonsa.

    *THE INNOCENT TEAM*

ZUCIYA......kowa da irin tasa 10

*ZUCIYA*
       _ĸowa da ιrιn тaѕa_

© *na Ayυѕнer Mυнd*
    ayushermohd.blogspot.com

*Kuyi hakuri jina shiru da kukai jiya, na shiga tarone wlh kuma dana dawo na gaji.....na gode kwarai da kulawarku da kuma san da kukema littafin nan*😍😍

     1⃣0⃣

  
     Little ce rike da hannunta kawai tana tafiya amma idanunta nakan Ashraf dake tafiya, Aneesa kam har wuya tazo ganin yanda Ashraf ya hauta da fada akan wata banza kucaka,  da saninta ta taho ta mangaje Nafi wanda har sai da ta kusa kai kasa,  Little ta kalleta tace "Haba Yaya Neesa? "

    Aneesa ta kalli Nafi tace "Sorry ban kula ba."tai gaba.

   Little ta kalli Nafi wanda ta kakaro murmushi tace "Maryam karki damu ai bata kula bane, kuma taban hakuri. "

   Little tai karamin hucci tace" Nafi kiyi hakuri. "

   D'aki suka shiga,  Nafi ta zauna a kasa, little na shirin mata magana wayarta tai kara, da sauri ta d'aga tace "Naam Yaya. "

   Daga can bangaren Ashraf yace " Little ki samarmata abinci dan banaji taci wani abinci. "

   To,  little ta fad'a tana kallan Nafi wacce itama hankalin ta ke kan Little tunda taji ance Yaya.

    Little ta kashe wayar sannan ta kalli Nafi tace "kinga Yaya ma ya kula bakici abinci ba."

   Nafi tad'anyi murmushi,  hakab yasa Little tai waje.

    Ashraf kam yana shiga bangarensa ya kwanta a kan kujera doguwa dake falo,  hannu yasa akan goshinsa,  meyasa duk sanda akace za'ai meeting indai har saboda shine sai an b'ata masa rai? Yai dan karamin tsaki zai juya yaji sallama,  muryar Mumy ce hakan yasa ya amsa sama sama.

   Mumy ta shigo ciki, shi kuma ya mike daga kwanciyar da yai ya sauka kasa,  mumy ta karaso ta zauna akan kujera, kansa na kasa bai ce komai ba.

   Kallansa tai cikin tsananin kulawa tace "Ashraf kayi hakuri. "
  Batare da ya d'ago ba yace " Ya wuce ai tunda dai ba wanda ya isa ya fitar da ita daga gidan. "

   Mumy ta jinjina kai sannan tace" Ashraf a gaskiya nima hukuncinka bai min ba,  bana ganin dan ta taimakeka ya kamata ka taho da ita,  sai dai in akwai wani dalili bayan wannan. "

   Bai kalleta ba haka kuma baice komai ba,  Mumy ta cigaba " ba komai nasan tausayinta ne yasa ka taho da ita insha Allah nikuma zan kula da ita. "

   Yanzu kam ya d'ago ya kalli Mumyn sai dai baice komai ba,  tai murmushi dan ta gane yaji dadin maganar ne tace "Ashraf zuwa nai muyi wata magana. "

   Inaji kawai yace.
Tace " Baka ganin lokaci yayi da zaka fara aiki a company d'in mahaifinka?? "

   Kallanta yai cikin mamaki yace " Ba Kawu da Asim suna kula da company d'in ba?  Meye kuma nawa na fara aiki acan?? "

  Mumy cikin damuwa tace " Ash raf mai yasa kake abu kamar bakasan komai ba? Companin nan na mahaifinka ne fa?  Kai kad'ai ne d'ansa sannan ya bar maka share d'in sa gaba d'aya kanada 50% na share d'in  company d'in kafi kowa,  akan me zakayi ta zama a gida bayan ka gama karatu? "

   Ashraf ya mike tsaye yace " Mumy banasan wannan maganar dan Allah. "

   Jikinta a sanyaye tace " Ashraf? "

  Ya d'an kalleta sai dai bai ce komai ba,  mikewa tai a hankali tai waje, yabi bayanta da kallo tare da dafa kansa,  meyasa kowa ba ya hango abinda shi yake hangowa?

    Idanu ya runtse yana tuno sanda akace fatiha an d'aura auren Nafi da Ashraf,  yai wani hucci sannan ya mike kawai ya zari makulli yai waje.

                    ************

     Sosai Nafi ta ci abinci,  ji take wani dad'i na ziyartarta,  tanaji tunda take bata tab'acin abinci mai dadi irin wannan ba,  tas ta cinye wanda little ta zubo mata,  ta kwankwad'i lemon kankana mai sanyi da ke cikin jug,  wata gyatsa tai sannan tasa dariya ita ka dai.

  Ita kad'aice a d'akin dan little ta fita,  tace " oh yau banyi gyatsar nono ko madara ba."

Ta sake yin dariya tace " Kai abincin nan yayi dad'i, wannan kuma ko menene?" ta fada tana d'aga ragowar juice d'in kankanar data sha,  tace " Tabdi lalai akwai abin dad'i a birni."

    Sai dataji abincin ya tsirga mata saboda cin datai dayawa,  tad'au tiren kamar yanda Little tace mata ta maida kitchen.

    Ta fito ta kalli gabas inda little ta mata kwatance, ta fara tafiya,  tafiya kawai take,  gani tai ta b'ata nan ta shiga waige waige,  jitai ance " Ke."
   Juyowa tai cikin mamaki, Ganin umma uwar Aneesa yasa tai saurin yin kasa dakanta,  Umma tace " Dan gidan ku uban me kike anan? "

   Nafi cikin tsoro ta fara magana  cikin in in na tace " Um kitchen nake nema. "

  Umma ta kalli kwanon sannan tad'an tabe baki tace " Kwarai dole ai,  a can kauye ba'a sami damar zakewa aci abinci ba shiyasa ake neman bud'e mana ciki? "

   Nafi wanda jikinta duk ya gama mutuwa ta kasa magana sai motsa baki kawai take.

   Umma ta kalleta kallan banza tace " wuce muje kitchen d'in. "

  Nafi ta kalleta da mamaki, Umma tace " To munafuka bakijini bane kike kif kif da ido? "

   Nafi tai saurin yin kasa dakai,  nan tai gaba Nafi ta bita.

    Sun isa katon kitchen d'in inda masu aiki keta hidima Umma ta tafa hannun ta hakan yasa duk suka taho,  Umma ta kallesu tace " Yauwa dama so nake in sanar daku kun samu kari. "

  Kallan juna sukai na mamaki, tasa hannu ta finciko Nafi tace " gatannan da safe zatazo ta tayaku aiki sannan da rana ma haka."

   Nafi ta kara kasa da kanta, Umma tace "na umarceku ku sata aiki sosai,  saboda ita ta fiku cin riba dan inda zata kwanta yafi naku haka abincinta da suturarta tafi taku. "

   Suka amsa da to,  ta kalli Nafi tace." Ke kuma dan gidanku kullum da sasaafe in ganki anan hakama da rana,  bazaki dinga cin abinci a banza ba. "

  Nafi ta d'aga kai,  Umma taja kunenta tace " kuma wlh inji maganarnan abakin wani ko da Little ce bare Ashraf Allah sai kin gane kuranki. "

  Tana kai nan tai gaba.

  Nafi tai shiru,  jitai ance ajiye kwanukan ki tafi gobe kya fara zuwa,  Nafi ta kalli mai maganar wata babba ce a kalla zatai sa'ar Innarta,  ta ajiye tiren sannan ta gaidasu tare da musu sallama.

                    **********

D'aki ta koma ta zauna a kasa tai shiru,  bacci ne yai gaba da ita.

   

    Ashraf kam bayan ya fito daga d'aki Aneesa yama waya yace ta fito ta rakashi an guwa.

   Jifatu ya wuce da ita,  tanata murna ganin yau gata ga masoyinta,  suna tafiya ne ta kalleshi tace " Yaya ya maganar sa ranar da akai ai tana nan ko? "

   Ya kalleta tare da murmushi yace " eh mana ko musa a kara matsowa da shi? "

  Idanu ta rufe tace " Kai yaya wata biyu ai kamar yau ne. "

Aneesa ta kalleshi cikin tsananin farinciki tace " Yaya wlh ni kad'ai nasan missing dinka danai jiya. "
 
Titi kawai ya kalla baice komai ba sai murmushi da yai.

  A bakin jifatu yai parking, nan ta fito shims ya fito suka shiga ciki,  bangaren kaya na atamfofi lace da mayafai sukai,  ce mata yai kawai ta zab'a,  hakan yasa tai tunanin nata ne,  sosai ta jidi kaya shima yana tayata,  suks wuce gun takalmi,  nan ne dai yace banda takalmi sai dai jaka,  saboda shikam yasan baisan size dinta ba.

  Itakam Aneesa sai farin ciki take har suka gama zaben suka fito,  sun shiga mota ta kalleshi cikin kauna tace " Yaya na gode sosai. "

   Ya kalleta cikin mamaki yace " name fa? "

  Tace "na kaya mana. "

   Murmushi yai yace "Aneesa ke kuma mai zakiyi da kaya?  Duk yawan kayanki? "

  Fuska ta had'e tace " na waye to? "

 

   Ya kalli titi yace " Nafeesa. "

  Gabanta ne ya fad'i cikin tsoro ta kalleshi sai dai gani tai shi ko a jikin sa,  ranta yai mugun b'aci........

   *THE INNOCENT TEAM*

ZUCIYA.....kowa da irin tasa 9

*ZUCIYA*
       _ĸowa da ιrιn тaѕa_

© *na Ayυѕнer Mυнd*
    ayushermohd.blogspot.com

*For you my dear Friend Asiya Musa (Koxali) luv u soooo much😍*

9⃣

     Little ce ta fito daga toilet ta kalli inda Nafi take tace " zo ki shiga kiyi wankan. "
Nafi ta mike jiki a sanyaye ta karbi dan towel din da little ta mika mata,  kallo tabi towel din dashi tace" dan wannan abun zan daura? "

  Little tai murmushi tace " to dame zaki daura? Ni shi kadai garen. "
  Kallan zanin jikinta tai tace " na d'aura wannan. "

   Little ta saki murmushi tace " ya sunan ki? "

   Nafi a kasan zuciyarta so take tace Nafisa sai dai ta rasa me yasa batasan akirata da haka tafisan tadinga jin wannan sunan daga bakin Ashraf,  "Nafi. "ta fada tana Kallan little.

   Tad'anyi murmushi tare da mika mata hannu alamar gaisuwa tace "ni kuma Maryam amma little ake cemin ko kice little Maryam,  mu biyu ne masu suna maryam babbar riketa akai agidan har tayi aurenta. "

   Nafi ba tare data mika mata hannu ba tace" li?? Hmm nidai Maryam kawai zan dinga ce miki. "

   Little tai murmushi sannan ta kara mika mata hannu tace " mu gaisa to. "

  Nafi ta noke tare da girgiza kai tace " ba maza bane ke gaisawa?"

   Little ta fizgo hannun Nafi tace "Mata ma nayi ai musabaha ce. "

  Kai Nafi ta jinjina,  little tace "shekararki fa? "
"16."
Little tad'anyi tsalle kadan tace "nima haka. "
  Sukai murmushi a tare,  Nafi ta daura zani ta nufi inda little ta kira da bayan gida,  Da gudu Nafi ta dawo ta kalli Little tace " kina nufin anan zanyi wanka?  Ta ina?  Ta yaya kuma? "

   Little ta kalleta tace "muje in nuna miki."

  Nafi ta ja ta tsaya,  Little tace "Nafi muje mana. "

  Dum Nafi ta mata itadai tsoro take ta ina zatai wanka a wannan gun?
  Little tadan had'e rai tace "Shikenan bari in je in fadama Ya Ashraf. "
  Da sauri Nafi ta rike rigar Little jin an anbaci Ashraf tace "Zanje Maryam. "

   Little tadanyi dariya tace "muje to. "

   Sunje toilet nan Little ta nunama Nafi yanda zatai wanka,  ganin hankalin Nafi yaki kwanciya da shaya yasa little ta tararmata ruwa a baho tace hakan fa?

Nafi tai murmushi  alamar gwara hakan.
Nan little ta fita ta barta.

                   **********

    Ashraf kam suna shiryawa da Neesah ya wuce bangarensa,  ko ince bangaren mahaifinsa shikadai ne a bangaren saboda duk yanda akaso asashi cikin 'yan uwansa maza kin yarda yai yace " lalai shidai a bangaren Mahaifinsa yake san zama. "

  Yana shiga ya wuce toilet yai wanka ya zura doguwar riga sannan ya fara rama salolinsa.

   Bayan ya idar ne yaga sakon meeting a babban falo,  in kuwa za'ai wannan taron to acan ake cin abinci.
     
           

    An sanar da kowa akan akwai meeting a babban falo saboda dawowar Ashraf.
                       **********

   Nafi ta fito  daga wanka ta shafa mai kawai littleta bata doguwar rigar atamfa tasa,  saboda little ta fita kiba hakan yasa rigar bata mata kyau ba ga wuyan rigar sai fad'owa yake,  ga ta kima daurin dan kwalinta ta matse kanta tamau.

  Itadai little taso mata magana sai dai tasan daga zuwan mutum gari bazai wuyo ace ya canza abinda ya saba ba, gashi tana tsoron karsuyi latti wajen meeting.

    Nafi na gamawa little ta kama hannunta tace "muje ko? "
  Nafi wanda gabanta ke faduwa tace " Maryam gani nake ni bai kamata inje ba. "

  Dariya Little tai tace"to yaya na kira na tambaya yace muje tare yanasan introducing d'inki. "

   Nafi ta kalleta da mamaki tace "me? Inkiro me? "

  Dariya little tai tace "ke dai muje kawai. "

  Nan suka fito sunyi sa'a Neesah ta riga ta fita,  nan suka taho har zuwa babban falo.

   Katon falo ne sosai wanda gefe aka kawatashi da wani round din dinning table manya guda biyu,  d'aya maza ne a zazzaune d'ayan kuma mata ne,  sai dai duk a kusa da juna suke.

    Tunda suka shigo kowa ya zubama Nafi ido yana mata kallan mamaki sai dai banda Ashraf wanda ke zaune fuskar nan tasa kamar yanda ya saba a murtuke,  Haka little ta jata har zuwa inda zasu zauna.

   Zuciyar Nafi kam kamar zata fado saboda tsananin tsoro da ganin mutane dayawa maza da mata,  kanta na kasa,  sunje zama kawai tai tuntube ta fad'i,  kwashewa akai mata da dariya sai ta samu kanta cikin tsananin tsoro ta kasa mikewa,  Ashraf ne ya kallesu ran nan a had'e ya kalli Nafi wanda itama shi take kallo ya mata alama data tashi.

   Jiki a sanyaye ta mike little ta taimaka mata ta zauna.

    Kanta ta sunkuyar,  kawu yai gyaran murya hakan yasa kowa ya nutsu yace "Bismillah."

   Nan kowa ya fara zubama kansa a binci,  Umma kuwa mahaifiyar Aneesa da ita Aneesan sun kafe Nafi da ido.
 

   Kowa ya fara zuba abinci,  itadai Nafi a zaune take sai gabanta dake ta faduwa,  ganin batada niyyar zuba abinci yasa Little ta zuba mata shinkafa da miyar carras sannan ta matso mata da papper chiken da salad,  Nafi ta kalle ta sannan ta d'au chokali,  ganin yanda kowa yakecin abinci yasa ta fara cin shinkafar a hankali,  sai dai lomarta biyu taji inaa bazata iya cigaba da ci ba,  gani tai kamar kowa kallanta yake,  ta zaune tare da matse kafafuwanta dake rawa,  little ta kalleta tace "Nafi tafiya fa kikai kici abinci mana? "

   Nafi ta kakaro yake tace " a koshe nake ai naci abinci a mota Yayanki yaban doya da kwai.

      A hankali sukai maganar,  Ashraf yadan kalli inda take ganin bataci abinci baiyi mamaki ba,  ta ina zata iya cin abinci a cikin mutane?

    Bayan kowa ya gama ne Kawu yai Hamdalla sannan ya fara magana "Alhamdulila Allah ya taimakemu d'an mu ya dawo da ransa da kuma lafiyarsa wannan ba karamin abin farinciki da alfahari bane,  lalai Muna godiya ga Allah wanda yasa muke zaune yau da Ashraf kamar yanda muka saba. "

   Kowa ya jinjina kai alamar jin dad'i, akace Ashraf yai magana.

    Shiru yadanyi nawasu dakika kafin yace " Nagode da kulawarku,  Sai dai inaso in nuna muku Nafeesa wacce itace sanadiyar zamana anan gurin haka,  Itace wacce ta taimakeni a lokacin da nake tunanin yanke alaka da duniya,  Allah ya kawomin ita ta taimakeni ta ceci rayuwata. "

    Jin haka yasa kowa ya kara kallan Nafi wacce kanta ke kasa,  sai gabanta daya tsananta fad'uwa.

   Wani daga cikin mazan gun yace "Lalai Ashraf to dan ta taimakeka shine ka taho da ita nan ko me? Iyayene batadaso ko me? "

   Ashraf ya bugamai wani kallo baice komai ba,  Umma mahaifiyar Aneesa tace "Ashraf ina ganin gaskiya Nuhu ya fada in ta taimakeka sai a bata kud'i ban gane dalilin tahowarka da ita  ba. "

   Ashraf ya dan kalleta kadan nan ma bai tanka ba,  Mumy tai murmushi tace " tunda ya taho da ita akwai dalilinsa nayin hakan nasan halin Ashraf sarai. "

  Kansa ya juya sai dai fuskarnan a had'e take tamau,  nan aka dan fara musu wasu suce ya kamata wasu suce bai dace ba,  Anisa kam kallan kyana kawai takema Nafi.

    Cikin wata kakkausar murya mai zafi Ashraf ya mike yace " Me?  Dan na taho da yarinya shine ake cece kuce? A kan wani na ajiye ta ko me?  Ko kuwa anaso ace ni Ashraf ban isa in kawo wanda na ga dama cikin gidan nan bane? "

   Wannan kalamai dayai ya gigita kowa itakam Nafi idanunta ne suka ciciko tsoro ya kara kamata,  Kawu ya kalli Ashraf yace " Kada ka manta Ashrac akwai iyayenka anan,  taya dan ranka ya baci zaka hada da kowa ka fara fad'a? "

   Ashraf ya kalli Asim sannan ya kalli inda Nafi take yace "Duk wanda yake ganin hukunci na bai mai ba sai ya tareni muyi magana. "
Yana kai nan yai waje,  Umma tabishi da kallo,  Mumy kam da sauri ta mike ta bishi.

    Nan aka cigaba da 'yan maganganu,  little ta kama hannun Nafi tace "Nafi mu bar nan ko? "

   Suna kokarin mikewa sai ga Ashraf ya dawo daga bakin kofa kawai ya kalli Nafi sannan ya kalli Aneesa yace " Neesah inasan ganinki. "

  To fa gani nai Nafi ta mike itama Aneesa ta mike,  Umna ta kalli Nafi tace " ke yake kira? "
  Nafi wanda itakam jitai kamar yace "Nafeesa"tai tsuru tana kallan Umma.

   Aneesa wani haushi ya kamata,  a zuciye ta bangaje Nafi tai gaba.

  Nafi ta tsaya cak kamar gunki sai hawaye,  Kawu ya mike shima da zuwanta bai wani burgeshi ba yai waje.

    Little ta taso ta kama hannunta Asim yasa dariya yace "ko dai akwai wata manufa ne a tahowa da wannan kwailar? "

   Yai maganar yana kallan Nafi aka kwashe da dariya,  sudai sukai waje.

   Suna fita Nafi tasa kuka.

   Aneesa kam a gefe taga Ashraf ta karasa inda yake fuska a had'e tace " menene? "
Shima fuskarnan a had'e yace " ki fadama ummanki tadaina min abinda takemin menene nata dan na taho da Nafisa?  Akan wani zata zauna?  Ko kuwa yarinya ce ita daza'ace wanka ma yi mata za'ai? "

   Aneesa ta kalleshi cikin bacin rai tace " Yaya dama saboda kamin fada ka kirani?  Sannan yanzu kace Neesah amma dayake yarinyarcan yar rainin hankali ce ta d'auka wai ita kake kira. "

  Ashraf ya kalli su Nafi dake tahowa ganin tana kuka ya kalli Aneesa yace " ki fadama Umma tadaina min haka sannan kema na dauka ko me na kawo gidan nan zakibi bayana in har kina sona,  na gode da nunamin din dakikai abinda nake tunani ba haka bane. "yana kainan yai gaba.

   Nafi tabi bayansa da kallo sannan ta kalli Aneesa ta maida kanta kasa.

*THE INNOCENT TEAM*

ZUCIYA......kowa da irin tasa 8

*ZUCIYA*
       _ĸowa da ιrιn тaѕa_

© *na Ayυѕнer Mυнd*
    ayushermohd.blogspot.com

8⃣

     Bakin wani katon gida Ashraf yace mai yai parking,  daga bakin gate din mutane ne sosai a tsatsaye sannan wasu dauke da speaker da cameras hakan yasa Ashraf yasan 'yan jarida ne a gun, kallan Nafi yai wacce ke zaune yace " Nafisa kin gaji ko? "
  Kallansa tai sannan ta girgiza kai alamar a'a, ya dan murmusa sannan yace " mun iso. "

   Ta kalli waje ganin mutane yasa ta kalleshi,  ya bud'e motar ya sauka sannan ya zaga ya bud'e mata,  a hankali ta fito jikinta duk a sanyaye,  ya kalli driver d'in yace " bari in kawo ma kudin ka. "

  Ya amsa da to,  juyawa yai ya fara tafiya,  bai karasa gun mutanen ba kawun sa wato kanin babansa ya hangoshi cikin tsananin mamaki da farinciki ya taho da saurinsa,  kusa da Ashraf ya tsaya yama kasa magana sai dariya kawai da yake ya kankame hannun Ashraf,  mamakin da ya kamani banga Ashraf yana farinciki sosai ba sai dai yace " Kawu na tada muku hankali ko? "

   Wanda ya kira da kawun ya gari fadada murmushinsa yace " Ashraf duk mun daga hankalinmu ganin jiya a rafin wudil muka wuni cur ana nemanka an rasaka tsoro yasa muka fara tunanin ko ka cika sai dai mahaifiyarka taki yarda sam tace lalai kana nan da rai. "

   Yad'an yi murmushi kadan sannan yace " Bari na shiga ciki, sannan dan Allah aba mai mota kud'i."

   Kai ya daga mai cikin farin ciki,  Ashraf ya juya ya kalli Nafi dake tsaye yace " Mu shiga ko? "

   Kallanta kawu yai saidai baice komai ba,  Nafi kam a hankali ta karasa inda yake,  nan suka fara tafiya,  hannu kawai ya dagama 'yan jarida suka nufo inda yake,  bai jirasu ba ya nufi gate,  ya shige ciki.

      Inalilahi abinda Nafi ta fada kenan a fili,  wani tafkeken gida ta gani,  ba wai haduwaa kad'ai ba gida ne kato flat flat dayawa,  in ka gani zaka dauka ko gidan hayane na masu kud'i sai dai Ina gida ne na Marigayi Alhaji Saminu wato mahaifin Ashraf,  ya gina wannan tafkeken gidan ne saboda yazauna shida d'an uwanshi sannan yayi flat dayawa ne saboda in 'ya'yansu sun taso kowa ya kama flat daya ya zauna da nasa iyalen.
Wannan kenan.

   Ashraf har yad'anyi nisa ya juyo a bakin gate yaga Nafi a makalle tana ta fadin Inalilahi, a hankali ya tako yazo inda take,  ya kalleta yaga ta runtse ido tsam,  yace " Nafisa muje ko? "

  Kallansa tai a tsorace tace " Muje ina? "

  Ya nuna mata hanya yace " ciki mana. "

    Yawu ta hadiya tace " Dan binni nan din inane? "

   Ya dan canza fuska kadan yace " badai baki yadda dani ba? "
Kai ta girgiza da sauri alamar a'a, yace" good,  to in har kin yadda dani muje ko? "

   Duk da tsoro bai bar ranta ba sai dai bata daina binshi a baya ba,  can wani flat sukaje, suna karya kwanar flat din sukaga wata yarinya wacce batafi sa'ar Nafi ba rike da faranti zata shiga ciki,  Ashraf yace " Little! " yafad'a tare da daga mata hannu.

   Cikin mamaki ta juyo,  ganin Yayanta batasan sanda ta saki farantin ba wanda ke dauke da lemon kwalli akai ba,  da gudu ta karaso gunsa ta rungumeshi,  sai kuka.

   Ya dagota kadan yace " Little kukan fa? "

  Hawaye take tace " Yaya ina ka shiga?  Hankalinmu ya tashi sosai. "

   Kanta ya shafa sannan yace " to naji ya isa haka,  ya dan juya ya kalli Nafi yace " Little zan shiga ciki so nake ki shiga da wannan tai wanka taci abinci ki bata kayankk tasa. "

   Kallan Nafi tai sannan tace " waccece? "
Yace "Zan fada miki, Mumy fa? "

  Tace " duk fa muna bangaren Umma muna zazzaune, mumy jiya cir ruwa kawai tasha. "

   Ya dan juya kai,  little tace " Yaya ya kamata kaje ka ganta kafin ka shiga ciki dan da alama nan kafara zuwa. "

  Kai ya juya baice komai ba,  Kallansa tai cikin rashin jin dadin yanda sam baya kula mahaifiyarsu sosai bayan kowa yasan yanda take tsananin sanshi, zatai magana kawai ta hango Aneesa ta taho da gudu,  ganin tana kallan wani gun yasa Ashraf ya juya hakan yaba Nafi damar juyawa ta kalli gun itama.

  Da gudu  ta taho sai data kusa zuwa inda suke sai kuma ta tsaya daga nesa ta kafe Ashraf da ido idanunta na zubar da hawaye, Nafi ta bi Ashraf da kallo,  yanda taga yana kallan ta yasa tasan akwai wani abun tsakaninsu.

  A hankali Ashraf ya fara takawa zuwa inda take tana tsaye tana mai wani kallo mai tattare da ma'a noni sanda hawaye nabin kuncinta.

   Nafi tai tsaye jiki a sanyaye tana kallansu,  sai da Ashraf yazo kusa da ita kawai ta gifta ta gefensa tasa gudu,  ta kusa da Nafi ta wuce,  ta nufi inda little ta nufa d'azu.
 
   Turus yai agun,  jikinsa duk yai sanyi,  little ta kama hannun Nafi tace " wuce mu tafi xasu fara abin nasu. "

   Sun je zasu shiga sai ga mutane kowa ya taho harda Mumy da Umma sun taho gun Ashraf,  sudai suka karasa ciki.

   Kallan fallon Nafi tai,  aranta tace " lalai rayuwa tana wani gun. "

   Sunje shiga d'aki Nafi ta kalli Little jin sheshekar kuka,  Little tai murmushi tace" Neesan yaya kenan yau sai yayi lalashi mai karfi kafin abarmu musamu bacci. "

    Nafi ta kalli kofar d'akin jikinta ya kara sanyi,  Little tace" karki damu inda sabo sun saba,  ita shagwab'a shikuma saurin b'ata mata rai shiyasa wannan kukan harya fara daina damuna. "

  Nafi ta jinjina kai sannan tace " Amma kuna kama da ita. "

  Little tai murmushi tare da tura kofar d'akin tace " Yaya tace ta gurin uba,  shi kuma ya Ashraf yaya nane na gun uwa. "

  Kallan mamaki Nafi ta mata tace " Ban gane ba. "

  Dariya Little tai tace"Maman Mu ce ta auri baban Ya Neesah bayan Baban Ashraf wato yayan babanmu ya rasu. "

   Nafi ta zaro ido cikin mamaki zatai magana sai idanunta yakai kan tangamemen d'akin,  kallo tabi d'akin dashi cikin tsananin mamaki lalai dukiya tana wani gun,  yanzu nan d'akine?  Jitai Little tace " Yes. "

   Nafi ta hadiye wani yawu cikin mamaki,  take kallan d'akin.

   Ashraf kam yana tsaye gurin 'yan uwansa manyan 'ya'ya maza na kanin babansa da kuma kannensa,  yake kawai yakeyi dan shikansa yasan ba kowa bane yake farin cikin dawowarsa sannan shi ya kosa subarshi yaje ya lallab'a Neesarsa.

   Mumy ta kalleshi tace " Ashraf kai wanka sai kazo kaci abinci ko??"
   Ta sani sarai bazai amsa mata ba sai dai tasan zaiyi abinda tace,  kallan yayen sa yai yace " Zan shiga ciki."

  Yana kai nan ya wuce,  nan suka juya,  dadi da farin ciki ya kama Mumy da sauri ta nufi hanyar kitchen dan shiryamai abinci,  duk wannan kin kulatan da Ashraf yake sam bata ganin laifinsa tasan dole ya ji haushi daga mutuwar mahaifinsa ba dadewa ta sake aure kuma gidan datake da anan take sannan ta auri kanin mahaifinsa.

    Ashraf har ya nufi bangarensu ya zagaye ya koma bangaren su Aneesa.

   Nafi dake zaune akan gado sai dan tsalle take kadan taji ana kwankwasa kofa sannan taji muryar Ashraf ya na cewa "Neesah?? "

   Nafi tadaina wasa da gadon,  tai shiru tana jin Ashraf,  ya dan dade yana knocking  kafin yace " shikenan Neesa na dauka kece ta farko da zaki fara farincikin ganina shine zaki shige d'aki kina jina ina magana?  Shikenan na tafi. "

   Nafi tanaji daga ciki cikin wata murya mai salo da jan hankali tace " Amma yaya kasan halin dakasani kuwa?  Jiya ko bacci kasa yi nai ina tsoron kar in fara ace min ga gawarka can. ......."

   Kasa karasawa tai,  Ashraf ya murmusa yace " Neesah ki bud'e inganki please...."

   Nafi ta sauka daga kan gadon ta zauna a kasa,  murmushi ta kakaro da kyar tace " dama ai baice yana sona ba,  kuma ya sanar dani hakan,  shikenan."

   Tanajin motsin bude kofar.

    Ashraf na shiga ya karasa inda take akan gado,  tana ganinsa tasa pillow ta rufe fuskarta,  Ashraf ya matso sosai saitin kanta ya kwantar da kansa yace " Ko kallo na bazakiyi ba?  Na d'auka yau in kika fara kallona sai na kwace kaina? "

   Ta dago a hankali ta dan harareshi sannan ta dau pillow din ta makamai ta kara makamai,  ta daga zata sake na uku yai saurin rikewa,  yace " ya isa to dear ai kin huce ko? "

  Ya fada yana mata wani kallo.......

*THE INNOCENT TEAM*

ZUCIYA......kowa da irin tasa 7

*ZUCIYA*
       _ĸowa da ιrιn тaѕa_

© *na Ayυѕнer Mυнd*
    ayushermohd.blogspot.com

*WELCOME BACK ZEE FRESH,* *WE REALLY MISS YOU*😍😘..

7⃣

   Kallansa take cikin tsananin mamaki ya sake murmushi  yace " Riga tafa?  Ko kin barmin wannan d'in? "

    Kasa tai da kanta sannan a hankali tace "na d'auka ka tafi ai. "
  Datti yace " me kuke nufi kenan ka santa dama? Sani bana taimako ba? "
  Ashraf yad'an yi murmushi  dama so yake ya kular da Datti yace " sani kuwa tunda ji jiya a d'akin ta na kwana. "

  Yai maganar yana kallan Nafi, gaba d'aya kowa ya kalleshi, Datti ya rike haba yace " Kwana? "
  Ashraf yai wani murmushin rainin hankali sannan ya ya d'aga kai yace " Uhm hum"

   Hannee da mamanta suka kalli Nafi cikin mamaki, Dan litti shima mamaki ne taf a ransa lalai wannan gayen ashe dan duniya ne?

   Nafi ce tayi baya da sauri tai cikin gida,  kallan kofar data shiga sukai suna tunanin me kuma zatai.

Nafi kam tana shiga da sauri tai d'aki tana tafe tana murmushi takasa gane dalilin murmushin  nata,  rigarsa data ninke d'azu ta dauka abin haushi ba tada turare hakan yasa ta fito,  suna tsaye sai gata ta dawo.

  Datti yai tsaye yace "Gungumar Munafuka ina kika je?  "
Rigarsa ta mikamai fuskarta a sake tace " danaji bakai min magana ba sai na d'auka tafiyarka kayi. "

   Ashraf ya amsa yace" ina kuwa zan tafi?  Bayan nasan kina cikin wani hali? "

   Salati Datti yasa yace " yau na shiga uku lalai yarinyarnan ke ba karamar 'yar iska bace, a haka kowa ya ganki sai ya d'auka ke ta Allah ce ba'asan tsantsar munafircin ki yafi na shaid'an ba,  yanzu dan iskanci da so kikai ki auri Ali bayan kin gama lalata da wannan? "

    Cikin mamakin kalamansa Nafi ta dago ta kalleshi,  lalata?  Me kenan?

  Maman Hanne ma tace " Gaskiya Nafi kin ban mamaki ban taba tunanin zaki aikata haka ba. "
Itakam Hanne harara kawai take makama Nafi.

   Ashraf ne ya kallesu yace " Gaskiya bakuda adalci,  wato kai kana mahaifinta sanda nace ta taimakeni baka shi mata albarka ba ka yabe ta ba,  sai yanzu dana fad'i na kwana a d'akin ta kaf cikinku ba wanda yai tunanin  lalai kila ba abin banza akai ba. "

   Ya d'an furzar da iska sannan ya matsa daga inda suke,  ta baya ya zaga ya cire rigar jikin sa yasa tashi,  tunda ya juyo ya fara tahowa kowa ya kuramai ido,  lalai wannan gayen bana karya bane,  tafiya yake cikin isa Nafi itama ba'a barta a baya ba gun kallansa,  Hanne kam kishi duk ya isheta.

   Ashraf har ya karaso basu daina kallanshi ba,  D'an litti ya dafa yace " Babban gaye me kake tunani ne? "

   D'an litti ya had'iyi miyau yace " Kai Ashraf gaskiya she is beautiful. "

  Ashraf ya sakeshi tare da mikama Datti rigarsa yace" mu zamu wuce. "
Datti kam sam ya kasa magana,  kallan Nafi yai yace " muje ko? "

  Kallan mamaki tamai dan ita batasan shine mijin ba lokacin kanta ma kasa sai dai ta kasa mai musu nan ta kalli Datti tace "Baba mun wuce. "

   "Ah to shikenan, sai munzo ganin gida,  d'an litti ya kawo mu. "datti yai maganar yana kalle kalle.

   Nafi tace to.

Maman Hanne ta mata sallama sai dai ganin yanda Hanne ta hade rai yasa Nafi ta juya ba tare da ta mata magana ba. "

   Sunanan tsaye har suka hau mashin,  nan suka nufi hanyar Gwaram inda zasu hau mota.

                 ********

    Sunyi tafiya  sosai kafin su isa,  nan D'an litti yakaisu inda zasu shiga mota,  wata karamar golf suka samu D'an litti jiyai Ashraf yace " Shata muke so. "

   Dasauri ya jawo rigarsa yace " Ashraf kasan me kake fad'a kuwa?  Inkace shata yana nufin fa ku biyu za'a kai har kano kaga kuwa zaka biya money panty. "

   Ashraf yai d'an murmushi yace " meye kuma panty? "

  D'an litti yace " Kudi dayawa nake nufi. "

  Kafadarsa Ashraf ya dafa yace " Plenty ake nufi. "
Yana kainan ya wuce gun driver yace  " Muje ko? "

   Nafi ce ta kalleshi sanda taga ya bud'e mata bayan mota ta shiga, ya dawo inda yabar D'an litti  a tsaye kamar gunki ya ciro dubu uku ya bashi yace " Nagode sosai d'an litti Allah ya karama ilimi. "

  Kallan kudin yai yace " Ashraf ina zan kai kudin nan? "
Murmushi yamai sannan ya mikamai wata dubu d'ayan yace " ka ba abokinka. "

  Ya juya ya nufi motar,  tsayawa yai yana tunanin ko dai yabada number wayarsa in case ko iyayenta zasuzo Kano? Kai ya girgiza alamar a'a lalai dole ne ya koya musu sanin darajar yarinyar nan,  dan ya kula zaman dasuke tare da ita ne yasa ba wanda yake ganin darajarta da mutuncinta.

  Shima bayan motar ya shiga,  Nafi kam tana zaune duk jikinta a sanyaye,  bata taba shiga mota ba sai yau,  sai dai taitajin labarin agun Hanne yau gataa ciki, Driver ya tada mota.

   D'an litti  ne ya matso da sauri ya turo kansa ta window yace " Nagodee Ashraf sannan yanzu na rike plenty  ko? "

  Ashraf ya mai murmushi yace " kana burgeni ta yanda kake kokarin yin turancin nan, Allah ya hada fuskokinmu da alkairi. "

   Murmushi sukama juna D'an litti ya dagamai hannu yace "Sai munxo gidan ka. "

   Kai ya daga nan mota ta ja suka fara tafiya..........

    Sun danyi nisa a hanya kad'an Ashraf ya kalli Nafi sannan yai gyaran murya,  d'agowa tai ta kalleshi da idanunta, Yad'an mata murmushi sannan yace " Nafisa? "

  Gabanta ne ya fad'i jin ankirata da cikaken sunnanta,  sai dai bata amsa ba sai dai hankalinta data tattara zuwa kansa.

   Ashraf ya cigaba " ki nutsu zamuyi magana mai mahimmanci ne. "

  Ta d'aga kai alamar tanaji.
Ashraf yadanyi ajiyar zuciya sannan yace " Nafisa bazan miki alkawarin so ba,  ba kuma zan miki alkawarin kulawa ba sai dai zan miki alkawarin ni Ashraf bazan taba bari ki wulakanta ba. "

   Kanta na kasa sai dai gaba daya gabanta har yanzu bai daina bugawa ba,  ya cigaba " Na aureki ne domin ceton rayuwarki daga gun mutanen nan da babu imani a zuciyarsu,  sai dai inaso ki kama bakinki kamar yanda nima zan kama. "

Dagowa tai cikin mamaki ta kalleshi yace " kada ki kuskura ki fadama kowa na aureki,  wannan sirri ne a tsakaninmu ni dake,  karki fadama kowa wannan shine abinda zai kareki."

   Idanunta ne suka fara cicikowa nan ta shiga kokarin maidasu,  kai ta daga mai alamar ta fahimta,  Ashraf ya cigaba " Nafisa zan ajiyeki a gidanmu har Allah ya kawo miki wanda kike so shima yake sanki, in kun aminta da juna sai in sauwake miki ki aureshi......... "

   Kallan datamai ne yasa yai shiru shima,  me kenan?  Abinda zuciyarta ke raya mata kenan?  Wani irin  aurene a ranar aurenta  ake mata zancen saki????

   Ashraf yadan juya kai sannan yace " Bazaki fahimci me nake nufi ba yanzu amma na sani nan gaba zaki gane,  a inda zamuje zakiga zuciyoyin mutane iri iri sai dai inaso ki daure ki zauna da kowa a yanda yake. "

   Nafi wanda hawaye yake yawo a fuskarta tai saurin jan mayafi ta tarufe fuskarta,  kallanta yai sai dai ya za'ayi?  Dole ne ya fadamata gaskiya.......

   Nafi tai shiru sai dai tunanin dake zuciyarta yawa garesu sai dai tasan abu d'aya dama,  tabbas Dan binni ba santa yake ba taimakon ta kawai yai kamar yanda ta taimakeshi, tana ta tunani har bacci yai awun gaba da ita.

   Ashraf kam yayi shiru  yana tunani,  tabbas motarsa lafiya kalau ya ajiye ta,  to amma mezai sa lokaci daya burkin motar yakiyi?  Girgiza kai yai da sauri yace " zato zunubi,  ikon Allah ne. "

  

*THE INNOCENT TEAM*

ZUCIYA......kowa da irin tasa 6

*ZUCIYA*
       _ĸowa da ιrιn тaѕa_

© *na Ayυѕнer Mυнd*
    ayushermohd.blogspot.com

6⃣

    Gaba d'aya hankalinsa yakai kololuwar tashi muryar Ali yaji yana cewa " Kai yaro dakai muke magana, Kai zaka aureta amaimako na ko me? Yaran yanzu banda tsugudidi basuda aikin yi inbanda munafirci da shiga shara ba shanu dan ta taimakeka meye naka na shiga shirgin rayuwarta?"

   Dan binni ya kalleshi cikin bacin rai yace " kai yanzu in 'yar ka ce zata auri sa'anka ko wanda yafika zakaji dadi?"

   Ali ya kwashe da dariya yace " to menene? Baifi karin zumunci ba."

   Dan binni zaiyi magana yaji an dafashi, juyawa yai dan ganin waye, ga mamakinsa dan litti ya gani a tsaye a bayanshi, ya kalli Dan litti cikin wani yanayi.

  Dan litti yace " Abokina ka fita harkarnan tun kafin kuzo kuna arment."
  Dan binni ya kalleshi yace " meye arment?"

  D'an Litti ya wani sosa kai su kuma mutane suka kalleshi da sha'awa jin yana turanci.

   D'an litti yace " baka gane ba? Kar kuzo kuna musu nake nufi."

  Wani kululun takaici ne ya kamashi dama mutanen gun nan sun gama kona mai rai shikuma D'an litti zai so mai da wani sabon takaici wai arguments ne arment?
  Kallanshi ya maida kan Liman wanda yake cewa " ni yanzu a wani matsayi nake? Datti yace " Aure za'a daura da Ali yanzun nan."

  Ali ya gyara rigarsa, haushi ya kara turnuke dan binni yace " in kuma nace zan aureta fa?"

  Gaba d'aya kowa juyawa yai ya kalleshi cikin tsananin mamaki, Datti yace " Kana nufin zaka aurenta?"

  Gaban D'an Binni ya fad'i ya daure yace " Eh." Abinda kawaj zuciyarshi take rayamai Allah ya kawoshi garin nan ne dan ya taimake ta."

  Matsowa D'an litti yai da kansa saitin kunnen D'an binni yace " I am Crazy? Kasan me kake kuwa?"

  Dan binni ya juya ya kalli D'an litti sannan ya kalli Ali wanda yake hucci kamar zaki, shi a tunanin sa ai dan yace zai aureta baza'ace yanzu ba.
  Sai dai abinda kunnensa ya jiyo masa ya tada masa hankali, jiyai Datti yace " to Liman yanzu sai a daura da wannan shikuma Ali sai ya amshi kudinsa yai gaba."

    Kallan Datti yai cikin tsananin mamaki yace " nikam ka tabbatar kaine mahaifinta?"

  Datti ya had'e rai yace " wani banza zance kake yi hakan? In ba 'yata bace 'yar kace?"

   Dan binni ya dafa kai zaiyi magana yaji Ali yace " da alama bai shirya ba gwara a daura dani......"
  Kallan da D'an binni yamai ne yasa yai shiru, yace " na dauka nace a daura dani?"

  Datti yace " to banga alamar kanaso ba gashi mu kana bata mana lokaci."

  D'an binni ya ciro d'ayan dubu ashirin d'in wanda ya d'auko domin ba Nafi inzai tafi ya mikama D'an litti yace " Sadaki ne mika musu."

    D'an litti ya jinjina kai cikin mamaki yace " Lalai I am crazy." Yana kai nan ya karasa gun Liman yace " wai ga sadakin Wancan."

  Liman ya kalleshi yace " to waye zai mai walliyanta? "
  Datti ganin damin kudi yasa cikin saurin murya yace " Ladan kawai yamai ai musulmi dan uwan musulmi ne."

  D'an binni ya bishi da kallan mamaki lalai mutanen nan basuda cikaken hankali kaf cikinsu ba wanda ya tambayi inda yake? Mugu ne shi? Haka kawai suke neman bashi 'ya ba wani bincike.

  Jiyai Ladan yace " Ya sunan ka? "

  " ASHRAF" Abinda ya fito daga bakinsa kenan, yana tsaye har aka gama d'aurin auren Nafisa da Ashraf akan sadaki dubu ashirin.

   Nan su Ali da mukarabansa suka watse cikin tsananin takaici, Datti wanda ya cafki kudin sadaki ne ya matso kusa da Ashraf yace " Ashaf yanzu inane inda za'a kai ma Amaryarka?"

   Kallan Datti yai cikin mugun takaici yace " Na dauka baka damu da inda za'a kai 'yarka ba tunda banga alamun kanaso ka sani ba."
  Ya kafe Datti da ido yace " me Nafi take ma wanda kakeso tabar ma gidanka kota halin ka ka?"

  Datti yad'an had'e rai yace " Kai Ashaf dan ka zama mijinta an fadama kanada damar fadamin magana san ranka?"

  Ashraf ya kalli D'an litti yace " Please d'an jira ta fito mu tafi ka saukemu, dan banga alamar mashin ba ko zaka samomana d'aya saboda mu biyu ne?"

   D'an litti yace " ba problem kaje ku shiryo I will came with one. "
  Ashraf ya d'an yi murmushi kadan sannan ya kalli Datti yace " a sanar da ita ta shirya dan ni ba anan garin nake ba."

Datti yace " me?"
Ashraf ya juya kai bai kara magana ba, har Datti sai sake magana sai ya fasa ya shiga ciki.
 

   Nafi kam ta kule a bayan gida banda kuka batada aiki shikenan Allah ne kadai yasan wace rayuwar zata fara daga yau, ina zata sa kanta?"

  Jitai Hanne na kiranta, hakan yasa ta goge hawayen ta tafito, Hanne ta kalleta tace " kuka kike?"

  Nafi tace " a'a."
Hanne tai tsaki tace " wato memakon kiyi kuka a gabanmu mu samu damar lallashinki ki gwammace kinyi kuka ke kadai kin share hawayenki? Nafi nikam ina tsananin mamakin halayenki."

  Tai gaba, Nafi ta bi ta a baya, har sunyi hanyar dakinta ta kalli igiya inda ta shanya kayan D'an binni ka ra sawa tai ta zare rigar ta rike a hannunta.

  D'aki ta shiga ga mamakinta Datti ta gani zaune akan tabirma wanda rabon da ko dakinta ya leka yaga a wani hali take ciki ita kanta ta manta.

  Shiga tai kanta a kasa, ta gaidashi sannan ta zauna kusa da Maman Hanne.

  Datti ya kallesu yace " To aure dai an daura sai dai an samu canji daga Ali zuwa wani Ashaf."

  Cikin tsananin mamaki Nafi ta d'ago ta kalli Baffa tace " Ashaf?"

  Datti ya jinjina kai yace " Kwarai nikaina nafisanshi akan Ali da alama yana da arziki sannan kuma shi saurayi ne."

  Maman Hanne ta kalleshi tace " nifa sam ban fahimci me ake nufi ba, banga ne daga Ali ba an koma Ashaf? Meye ma wani Ashaf? Ni bantaba jin sunan ba."

  Datti ya buga mata wani kallo yace " meye naki a ciki? ' yata ce ba 'yar uban kowa ba sannan in baki tabajin suna Ashaf ba yau ai kinji."
  Ya mike rai a bace sannan yace " ke kuma ki shirya yanzun nan dan yace ba agarin nan yake ba zaku wuce yanzu."

  Kallan mamaki kawai take ma babanta ta sani shi dabobinshi su kadai ne abinda ke gabansa kuma suka dameshi sai dai bata taba tunanin zai ma 'yarsa ta cikinsa haka ba, sai kace wata kaza?

  Ganin kallan datake mai yasa yace " in tunanin sadakinki kikeyi kima manta dan nima na dauki rabona na satar da uwarki tamin, yana kainan yai waje.

  Nafi kam kuka ma kasa zuwa mata yai jitai idanunta sun kafe kaf, sai dai rigar dake hannunta kawai ta shiga ninkewa jitake zuciyarya kamar zata tsage, Maman  Hanne ta kalleta tace   " Nafi ki taimaka ki fadamin abinda ke faruwa dan Allah."

  Nafi ta kalleta tace " Auntu ko na fada miki menene amfani? Tunda aikin gama ya riga ya gama? "

  Hanne ta mike cikin takaici tai waje.

   Nafi kam a zaune kawai take tana jiyo muryar Datti yana cewa suyi sauri.

    Ashraf kam yana tsaye a waje tunani sun taru sun mai yawa, ina zai sa kansa? Mai zai cewa masoyiyarsa kuma 'yar uwarsa wacce saura wata biyu a daura musu aure? Yasan ta sarai yanda take tsananin so da kishinsa lalai zata iya yin komai inhar taji abinda ya faru, kansa ya dafa wanda yakeji yana sara mai.

   Karar mashin ne yasa ya kalli hanya, Su D'an litti ya hango nan suka karaso D'an litti ya kalleshi yace  " yama kace name d'inka?"

  "ASHRAF. "
D'an litti yai murmushi yace " Gaskiya an cucen da aka samin D'an litti sunan ka yafimin dadi."

  Ashraf yai musrmushi sannan yace " D'an litti kenan."

   Datti ne ya fito ya tsaya kusa da Ashraf yace " Ashaf gatannan amma ya za'ayi in anaso aje gunta ina zance? "

  Ashraf ya kalleshi sannan yace " Kano anan garin nake, sannan ai kasan sunana."yai maganar cikin bacin rai.

  D'an litti ya tafa mai yace " Haba? Living Kano? I also came to kano."

  Ashraf ya furzar da iskar takaici yace " nikam D'an litti kadingamin hausa banasan turancin nan."

  Dariya Datti yai yace " gaskiya kam, yanzu kenan in wasu zasuje sai D'an litti ka rakasu ko?"

D'an litti yai murmushi tare da sosa keya.

  Nafice ta fito sanye da lulub'i Hanne da mamanta na gefenta, Hanne ce ta kalli mazan gun su uku, tace waye mijin a ciki? Ta fada tana fatan Allah yasa ba wannan bane dan ya birgeta Allah yasa D'an litti ne."

Gani tai D'an litti ya nuna wanda yai masifar burgeta da yatsa, dukda rigar kauye ce a jikinsa kana ganinshi kasan daban yake, tadan yi yake tace " to a rike mana 'yar uwarmu dakyau, amma bamu zamu kaita ba?"

.  Datti yace " bakiji me nace ba aciki ko kuma wani sabon kinibibi ne hakan? Ai nace su biyu zasu tafi ko?"

Mamaki ne ya kama maman Hanne tace " su biyu? Dama abinda kake nufi kenan? Taya zamu bari 'yar mu ta tafi daga ita sai shi? "

    Datti yace " karki damu D'an litti yasan gidan."

  Tai shiru, Nafi kam hawaye ne ya fara zubo mata itakam tana ganin rayuwa? Wasa wasa kaza ma ta fita matsayi itakam.

   Jitai ance " Ina rigata? Ko kin barmin wannan?"

  D'agowa tai cikin tsananin mamaki, idanunsu ne suka hadu........gabanta ne ya shiga fad'uwa sai dai ta kasa dauke ido daga kansa, ya sakar mata wani sansanyan murmushi........

*THE INNOCENT TEAM*

ZUCIYA.......kowa da irin tasa 5

*ZUCIYA*
       _ĸowa da ιrιn тaѕa_

© *na Ayυѕнer Mυнd*
    ayushermohd.blogspot.com

5⃣

   Sun fara tafiya akan Mashin Dan litti yace " Amma da alama kai ba dan garin nan bane ba ko?"

  Murmushi yai sannan yace " ni ba dan garin nan bane kuma yau nakesa ran barin nan."

   Dan litti yadan juyo sannan yace " When are u fom?"  Ya fada cikin irin isar nan wai shi a dole kwarare, Dariya Dan binni yasa hakan yasa Dan litti yace " U don't say English? "

   Dan binni kam dariya yake yi har ransa hakan yadan sa ran Dan litti ya soso, yace " Malam menene hakan ka sani a gaba sai dariya kake?"

   Dan binni ya daure yace " A wacce makaranta kau karatu ne haka?" Mazewa dan litti yai yace " Anan makarantar Gomnati ta Gwaram."
  Yadan kare hade rai yace " what matter?"

    Dan binni yace " lalai naga kanata kokari ne wajen yin turanci."

  Dan litti yai wani murmushin isa da takama yace " Kaf garin mu ni kadai ne nai karatu hakan yasa mahaifina ke ji dani kamar kwai sannan yan mata suke sona."

    Dan binni ya jinjina kai yace " hmmm gaskiya kam a garin Jahilai dama ai......"

  Dan litti yace " me kace?"

  Kai ya juya batareda yace komai ba.

    Inya tuna turancin Dan litti kawai sai ya saki murmushi lalai ana kwab'a a kasar nan.

    Tun yanajin dadin tafiya yana kalle kallen kauye har ya gaji kawai ya zauna yai dif.
    Yanaji Dan litti nata bashu labarin makaranta, shidai kam jinsa kawai yake fatansa Allah yasa suje su dawo kafin bakin alkalami ya bushe.

     Sunyi tafiya sosai kafin su isa Gwaram, nan Dan litti ya karasa bakin banki ya tsaya, ya kalli Dan binni yace " Gashi mun iso."

   Dan binni ya kalli bankin sannan ya kalli ATM din dake gun guda biyu ne a jere saidai mutanen dake tsaye a gun sunfi 20, wata iska ya furzar sannan yace "  Dan litti ba wani sai wannan?"

  Dan litti ya kalli mutanen gun yace " Kasan karshen wata yayi ko munje wani gun ma hakan ne gwara mu tsaya anan."

    Dan binni ya kalli mutanen gun sannan ya tuna Nafi wacce ake neman ruguza mata rayuwa, takawa yai yaje har ya tsaya a layi yaga abin kamar bazai yiwu ba, hakan yasa ya karasa ya fara neman alfarma, abinda tunda yake arayuwarsa bai tab'a yi ba kenan wai ace shi ne ya rusunar da kai yake neman alfarma gun wasu, ya taso rayuwarsa ba abinda ya rasa, haka ya daure yai ta neman alfarma har ya dawo na 8, suna nan tsaye har aka zi kansa, ya zaro wallet dinsa dake aljihun wandansa ya ciro ATM card dinsa ya sa.

   Dubu Ashirin ashirn sau biyu ya cira sannan ya ciri dubu goma ya kama hamsin kenan, ya musu godiya ya karasa gun Dan litti,  tafi Dan litti yamai yace " Gaskiya ka birgeni yanzu mu tafi?"

   Dan binni ya kalleshi yace " yunwa dai nake dan ji."

  Dan litti yace " Ga mai Yam  da Egg can muje sai ka siya."

  Murmushi yai sannan yace " Lalai Dan litti dan boko."
  Dan litti ya shafa keya yace "  Can we went?"

  Dan binni ya juya kai sannan suka karasa gun mai doya, kashi biyu yace asa musu wato shida Dan litti, har zasu juya sai ya koma yace a kara samai wani daban, haka kawai yaji zuciyarshi ta tuno mai da Nafi.

   Dan litti ya shiga godiya nan suka ci sukasha leman kwalba sannan suka mike suka juya.

              ************

     A can rigar Datti kuwa Nafi ce zaune a dakinta banda kuja ba abinda takeyi ga bakin cikin auren da za' a mata gana guduwar dan binni, mamaki ne ya kamata dataji mutane suna sallama, nan ta fito dan tasan su ba baki suke ba tunda Baffa baso yake ba, turus ta tsaya tana kallan kanwan mamanta, sai dai ta kasa farin cikin ganinta sam.

  Ganin haka yasa ta matso tare da rungume Nafi tace " Nafi shine kina ganina zaki shareni? Bayan har da kawarki Hanne nazo miki da ita? "

  Nafi ta maida hawayenta sannan tace " Aunty nayi mamakin ganinki ne."

  Tace" ai daga ke har Datti baku kyauta mana ba wau sai dazu aka turo mana almajiri wai yau ake auren ki? Haba Nafi ai ko Datti bai sanar damu ba ke kya fada mana ai."

  Nafi kam kasa magana tai dan batasan taka maimai mema zata ceba cewa zatai an bada ita biyan bashi ko me?

   Hanne ce ta matso kusa da ita tace " Nafi ya naga ba kowa a gidan? Kamar ba biki za'ai ba?"

   Nafi ta share hawayenta tace " eh kinsan Baffa bayasan mutanene shiyasa."

  Baki Hanne ta tab'e tace " amma dai duk da haka,  sannan ke ma kalleki kamar ba Amarya ba ko wanka ma da alama bakiyi ba."

Nafi tadan juya kanta gefe, Nan Maman Hanne tasa Hanne ta debo ruwa, da kanta ta tasata gaba sukaje ta wanketa fes, sannan suka fito, kayan Nafi ta kalla sam bana arziki bare aje ga sabo haushi da tausayi suka kamata ta kalli Hanne tace " Hanne da alama ke zaki taimaka ki ciro kayan jikinki ta saka inyaso ke sai kisa nata."

  Hanne ta kalli Nafi tace " Allah Nafi shi yasa kike ban haushi ke wai bazaki taba cewa asai miki kaya ba? Ko sanda innarku nanan itama banga ta wani damu da miki dinki ba, yanzu dan Allah meye amfanin hakan?"

  Nafi tai kasa dakai, Hanne taja wani dogon tsaki tace " sam ita wannan a kidahuman ma ita ta dabance, fa tsinanan kawaici da hakuri, wallahi babu inda zakiji ba'a cuce ki ba indai haka zaki cigaba."

  Maman ta tace " to ya isheni uwar 'yan masifa."

  Nan Hanne ta cire kayanta tana masifa.

  Nafi ta saka kayan sun amsheta kuwa nan Hanne ta shafa mata hoda tana shirin yi mata ja gira da kwalli Nafi tace " Bashi Hanne kema kinsan banasan kwalliya."

  Hanne ta mike cikin takaici tace " ni dai kam ban taba ganin mutum irin ki ba, gaskiya Nafi kina neman addu'a ni wallahi haushi wannan halayen naki suke bani."
Tana kainan tai hanyar waje, jitai Nafi tace " kiyi hakuri Hanne ba bata miki rai naso yi ba."

  Hanne ta kara had'e rai tace " kinganta ko Goggo? Yanzu me tayi na bada hakuri dan Allah?" Tai waje ba tareda ta jira amsa ba.

Maman Hanne ta kalli Nafi tace " Nafi kiyi hakuri kinsan kawartaki akwai masifa."

   Hanne ce ta shigo cikin mamaki tace "  Nafi naga sun fara taruwa inaji yanzu za'a daura, ni ko mijin ban gani ba."

  Gaban Nafi ne ya fadi tanasan yin kuka ba kuma taso su Hanne da mahaifiyarta susan halin da ake ciki, kasa kawai tai da kanta tana karanta Inalilahi a zuciyarta.

    Ango kam yasha babbar riga haka kuma ya taho da abokanansa dayawa dama yan uwa da makota, sannan sun taho da liman da maroka,  Datti ne yashigo gida fuskarsa a sake wasai ko a jikinsa, ya zura riga babba shima, yanajin Mahaifiyar Hanne na gaisheshi ya shareta yai waje.

  Ta birma manya aka shimfida musu sannan Ali ya taho da goro nan aka ajiye, Aka dan gagaisa sannan aka zauna.

  A ciki kuwa mahaifiyar Hanne ce ta kalli Nafi tace " Nafi amma an miki komai na kayan daki ko?"

  Nafi ta kalleta tare da kakaro murmushi kawai amma batace komai ba, hakan yasa itama tai shiru.

   An gama addu'oi nan aka ce ina Walliyin Alhaji Ali? Wani kanin mahifinsa yace " Ganinan."

Akace walliyin Nafi fa? Datti yace gani.
Kallan mamaki suka bishi dashi sukace " Dakanka malam Datti? Ai kyanta wani dan uwanka na kusa zaka wakilta."
  Datti ya hade rai yace " wannan damuwarku ce amma nine zan zama walliyi a auren 'yata ehe."

  Sunyi shiru, liman ya kalli Ali, kai Ali ya daga mai akan ba komai a kyaleshi, nan liman yace to shikenan yanzu zamu gabatar da.........

  Ji sukai ance " Ba abinda zaku gabatar domin kuwa ni na hana wannan auren."

  Gaba daya suka juyo suka kalli inda maganar ke fito wa, ga mamakinsu wani saurayi ne ya sauka daga kan mashin sannan ya fara takowa gunsu cikin isa da takama, basusan fuskarba sai dai Datti yasanshi dan kuwa bai manta shi ba.

  Dan binni ya karaso inda suke zaune ya gaida liman sannan ya kalli Ali wanda yasha manyan kaya, ba shakka ya girmi mahaifin Nafi lalai mutanen nan basuda imani.

Ali ya harareshi yace " Kai menene kakeyi haka? Ba ka gani aure ake shirin daurawa?"

  Dan binni yai murmushi yace " Aure?  Dama haka ake aure?"

  Ali da 'yan koronsa suka mike sukace " kai meye hakan? "
Dan binni yasa hannu a aljihu ya ciro dubu ashirin daya waresu tun a banku yace "  ungo! Ba bashi kake binsu ba har kake tunanin kwace mutum akan wata banza dubu ashirin dan tsabar rashin imani?"

  Ali ya kalli kudin sannan yace " ni na yafe Nafi nakeso a auren."

  Dan binni yace " Ai kuwa baka isa ba, yarinya ba sanka take ba kuma baka isa ka aureta ba, kai ko kunya ma bakaji ba kana yayan mahaifinta? Inbanda zuciyarka irin ta yarace ina kai ina neman wace batafi sa'an 'ya'yanka ba?"

     Datti dake zaune ya mike tsaye yace " Kai wai kai waye ne? Menene naka a ciki? "

  Dan binni ya kalli Datti cikin takaici yace " nine wanda 'yarka ta taimaka a lokacin da nake kan karagar mutuwa ta."

   Mamaki ya kama datti dama sauran 'yan gun, Datti yace " to naji, daga taimako sai akace ka isa da ita? Ka dubafa kaga yarinyar nan ta girma amma ba miji, in ka korar mata wannan d'in kai ne zaka aureta ko me?"

  Gaba daya kallo yakoma kan Dan binni suna jiran amsarsa.

   Gabansa ne ya fad'i baiyi tunanin abin zai juye haka ba, me kenan? Daga taimako?"

  Ali ya matso kusa dashi shima yace " eh muna jinka kai ne zaka aureta ko me?"

  Innalilahi wa ina ilaihi raji'un!!!!
Allahuma Ajirni fi Masibati wa aklifni kairan minha......
Addu'ar da Dan binni ya shiga yi kenan a ransa.

*THE INNOCENT TEAM*

ZUCIYA.......kowa da irin tasa 4

*ZUCIYA*
       _ĸowa da ιrιn тaѕa_

© *na Ayυѕнer Mυнd*
    ayushermohd.blogspot.com

4⃣

        D'akinta ta shiga tana tafe tana layi, shikam yana jin motsinta yai saurin kwanciya dan ya tabbata bazataso wani yaji wannan mumunan abun ba,  Nafi na shiga ta karasa kusa dashi ta zauna hawaye ne kawai ke malala a idanunta,  can tasa hannu ta goge sannan ta kalleshi cikin wani yanayi mai wuyar fassarawa tace "Dan binni yazanyi da ke?  Gashi baki farfad'o ba bare ki bar wannan gidan mai cike da abin takaici dasan zuciya. "

   Zuciyarshi ce ta karye da mamakin tana cikin wannan halin amma tausayinsa take?  Wannan wace irin yarinya ce wacce zuciyarta take da tsananin kyau?

   Nafi ta kara sa hannunta ta goge hawayenta sannan ta cigaba " Dan Binni ina cikin wani yanayi mai wuyar fassarawa,  Mahaifina baisan komai ba sai dukiyarsa baya ganin mutunci ko darajar kowa banda ta dukiyarsa,  mahaifiyata kuma san kanta ya mata yawa haka na taso a cikin irin iyayen nan,  ba wanda ya damu da halin da nake ciki ko wanda zan shiga,  a dazu nafijin haushin Baffa akan kin biyan bashin dayai sannan bai damu da in auri sa'ansa ba wanda a cikin 'ya'yansa akwai wad'anda suka girmeni ba. "

  Tai ajiyar zuciya sannan ta cigaba " yanzu kuwa nafijin haushin Inna ta, tafi kowa sannin halin Baffa amma duk da haka taje ta ranci kud'i da sunansa, ni kuma da ko naira biyar bangani ba bashi na neman............ "
  
   Kuka ne yaci karfinta ta kasa karasawa,  mikewa tai tsaye tace "bari in samoma madara kasha nasan yunwa kake ji."

    Tana fita ya bud'e idanunsa ga mamakinsa jiyai gaba daya jikinsa yayi wani mugun sanyi,  meyasa mutane basuda imani?
Yanzu me wannan yarinyar tayi da hakan ke faruwa da ita? 

  Shiru yai yana tunanin meya kamata yai dan cetan rayuwarta? Bata dade ba ta shigo dauke da kwarya karami da chokali,  nan ta dagoshi kadan ta shiga bashi,  mamaki tayi dan kuwa yau madarar bata zubewa sai dai batai tunanin komai ba.

  Shikam sha kawai yake gardin madarar ce kesashi sha sai dai rashin sigari yasa madarar batamai armashi sosai ba.

  Ganin yadansha dayawa yasa ta gyaramai kwanciya sannan ta mike tai waje.

 
  A can bangaren Datti kuwa yatafi rigar Mahaifinsa nan ya shiga suka gaisa da iyayensa da 'yan uwansa ya kuma sanar dasu auren Nafi wanda za'a daura anjima,  tsananin mamaki ne ya kama Iyayensa da yayensa,  mahaifinsa wanda ya tsufa sosai ya kalleshi yace " yanzu Datti za'ai auren Nahi shine sai ranar auren zaka sanar damu? "

  Datti cikin halin ko in kula yace " to Kawo menene aciki nima sai yau naji zancen auren. "

  Gaba daya suka kalleshi cikin tsananin mamakin kalamansa,  Aji mahaifiyarsa tace " Datti me kake san kace? "

  Ya kalleta yace " Aji to menene ban fada ba?  Nima aradun Allah sai dazu nan na sani."
 
   Tsannnanin akaici ne ya kama Aji ta mike cikin zafi tai gaba hartaje wajen dakinta ta dawo ta kallesu tace " in har na isa da ku babu wanda zaije daurin auren Nahi ta gurin datti sannan ba wanda zai aika mata ko da kwayar samira ce,  na sani ba laihinta bane sai dai Datti ya ja mata komai. "
Tana kai nan tai gaba a fusace Tanaji Datti nacewa " Karki damu Aji nima ba kai mata samirun zan ba mijinta inya damu ya sai mata. "

   Yayansa Sambo yace " Datti me kake san fad'a?  Bazaka mata kayan daki ba ko me?"

  Datti ya mike yace " nifa nazo sanar daku ne bawai cewa nai kuzo ba,  yar nan tawace ra'ayinane in mata kayan daki ko inki. "

   Kallan mamaki suka bishi dashi inda sabo sun saba da halin Datti sai dai mamaki suke tunda yanzu abun ya shafi zancen 'yarsa.

               ***********

  Sukam su Ali da ragowar abokansa murna suka shiga tayashi akan yasamu abu a bagas,  lalai sun yadda Datti baya cikin hayyacinsa,  waye zai saida 'yarsa saboda dubu ashirin? 

  Sukam sunje sun sanar da liman nan suka shiga shirye shiryen, Ali yasa aka share mata daki daya acikin gidansa,  matansa kansu basuyi kishi ba jin yarinya ce suna ganin baifisu kara samun mai musu girki ba.

               **************

   Nafi ta gama aikin gida tsaf ta gyara dabobbi,  shikam zaune yake yana addu'a fatansa d'ayane Allah ya bashi ikon taimakon wannan baiwar Allah,  kamar yanda ta taimakeshi,  yanaji a kasan ransa kamar Allah ya kawoshi garin nan ne dan ya ceci wannan baiwar Allah.

    Tunani guda d'aya ne ya tsayamai dole ne shi ha dauki nauyin biyan wannan bashin kila itace mafita.

   Mikewa yai ya fito daga dakin,  ba kowa a wajen hakan yasa ya fita daga gidan.

  Toh fah!!!!  Ganinsa yai a tsurar daji baya ganin komai sai daji mamaki ne ya kamashi,  yanzu ace mutum ne yake rayuwa anan?  Sai kace mara gaskiya? 

  Jiyai ance kai waye nan? Da fillo akai maganar, Juyawa yai dan jin yasan kamar mai muryar nan.

   Ya kalleshi tare da da dan yin kasa dakai sannan ya mikamai hannu alamar gaisuwa,  Datti ya bugamai harara sannan yace " me kake anan?  "
Yaa fada tare da kallan kayan jikinsa kamar yasan kayan nan,  shikam dan binni ya daure ya sauke hannunsa sannan yace " Dan Allah cikin gari nake tambaya.

  Jin yamai hausa yasa Datti yace " Ka mike nan hanyar inkai tafiya mai tsaye zakaga gari. "

  Bai jira komai ba yace " Na gode yai gaba. "

Datti ya bishi da kallo kamar kayansa, sai dai ta ina kayansa zaije gun wannann kad'on?

   Yayi tafiya mai nisa dan har ya gaji sannan yaga gari,  a ransa yace nan ne garin?

   Kauye ne sai dai yanada girma sosai ga mutane sunata hada hadarsu, wajen wani mai tabir din rake ya tsaya ya mikamai hannu suka gaisa sannan yace " Dan Allah akwai ATM anan kusa? "

Kallan mamaki mai raken ya masa yace " A me? "

  Yadan dafa kansa sannan yace " Banki fa? "

  Me raki ya kalleshi sosai kana ganinshi duk da rigar dake jikinsa zaka gane ba daga nan yake ba,  ya girgiza mai kai alamar bai sani ba sannan yace " amma kaje can gurin masu mashina akwai Dan liti wanda yai karatun boko sai ka tambaye shi. "

   Yamai godiya sannan ya karasa gun masu mashina,  sallama ya musu sannan ya tambayesu waye D'an liti,  wanda ke zaune ya sha riga da wando ya wani tsuke shi a dole dan boko ya kalleshi yace " Yes ganinan. "

    Kallansa yai ya wani daura kafa d'aya kan d'aya akan mashin,  dariya tadan so kamashi ya daure yace " Dan Allah tambaya nake san ma. "

  Dan litti ya dan wani rangwad'a kai sannan yace " what is your ansa? . " wai so yake yace "what is your question?" lol

    Dariya ce ta kama Dan binni yai kasa da kansa tareda murmusawa jiyai abokansa sunce " Kai Dan litti ka kure gayu fa. "

  Dan litti ya wani sosa keya irin jin dadin nan,  Dan binni ya dago sannan yace " So nake in tambayeka ko akwai ATM anan kusa."
  Fuska dan litti ya canza yadan gyara zama sannan yace " AT me? "

   Dan binni yai murmushi yace " ka gane mana inda ake cirar kudi ba tare da anshiga banki ba. "
   Tafi Dan litti yai yace " Ohhhhhh ATN?  Ha ha ha kai ne bakamin bayani ba,  akwai amma gaskiya sai dai muje can gwaram. "

    Dan binni yace " inane kenan? "
  Dan litti yai murmushi yace " local gommant d'in mu."

  Kai ya jinjina alamar gamsuwa sannan yace " Zai kai minti nawa kan mu isa? "

" A kalla minti 40 inaji. "

  Shiru Dan binni yai sannan yace " Muje to Allah yasa mu dawo kan azahar. "

Dan litti yace " Maganar kudina fa?"

  " in mun dawo mayi maganar ai tare zamu mu dawo tare. "

Dan litti ya kwama glass dinsa sannan yace " Hau muje. "

    Dan binni ya hau yana tunanin yanda zaiyi tafiyar kusan hour daya da rabi akan mashin shida rabonsa da mashin har ya manta inbadai race suke da 'yan uwansa ba shima race d'in sun dade basuyi ba kasancewar canjin yanayi da suke fuskanta a tsakaninsu.

               ************

  Nafi zuciya d'aya tana gama aiki ta shigo gun D'an binni sai dai me?  Ba shi ba alamarsa,  tsoro da fargaba ne suka kamata nan ta fito ta shiga nemansa sai dai samm babu shi,  idanunta ne suka ciciko da kwalla tace " Wato ya warke shine ko sallama baxai min bako?  Me yasa mutane suke min haka?  Kowa baya sona?  Kowa bai damuwa da halin da nake ciki ko wanda zan shiga?  Wato shi kuma wannan zuciyarsa mara rama alkairi ce ko????????

*THE INNOCENT TEAM*

ZUCIYA.......kowa da irin tasa 3

ZUCIYA
       ĸowa da ιrιn тaѕa

© na Ayυѕнer Mυнd
    ayushermohd.blogspot.com

3⃣

Duk ta rud'e ta zauna kusa dashi tare da daura hannunta akan goshinsa, tsoro da fargaba ne suka cika mata zuciya jin yanda jikinshi yai zafi dauuu.
   Yawo ta had'iya sannan tace " bazamuyi ta zama a haka ba d'an birni kiyi hakuri bazan kalleki ba, zan cire miki riga idanuna a rufe, kinji?"

   Tana fadar haka ta ajiye rigar Baffa a kusa da ita ta matso kusa tare da rufe ido, irin rigarnan mai dogon hannu da kwala ce, sai botir dake jikin rigar daga sama har kasa, nan ta shiga b'allewa idanunta na rufe tana yi tana magana, "yanzu kaga bana kallanka, sannan namaki laifi guda biyu, na farko nasa bakina a naki sannan yanzu ina cire miki rifa, sai dai inaso karki manta wallahi ba asan raina duk nai hakan ba, banaso ne ki mutu kinji?"

   Tana kainan ta shiga kokarin zare rigar, jin ta kasa zarewa yasa ta manta ta bud'e idanunta kallansa ta shiga yi, sam ta manta, yauce rana ta farko data tab'a kallan jikin namiji dan kaninta tun daya tasa mahaifiyarsu ta raba musu d'aki, ita ba gurin wasan shad'i ake barinta taje ba, nan ne dai tasan maza basa sa riga sai wando, to ita inama take zuwa banda ta mika nono da madara cikin gari inda mahaifinta yake saidawa, dan rashin yadda irin na datti bai yadda ace wani yasai da mai abu sai dai shi dakanshi, nan shago ya bud'e yake saida madara da nonon shanu.

   Ganin yanda gabanta ke fad'uwa yasa tai saurin rufe idanunta sai dai wannan karan ta guntse bakinta gum, haka tasamai riga sannan ta fito waje da sauri.

   Sam bata kula da Baffa dake zaune akan tabirma ba, ta tsaya a waje tare da rik'e inda zuciyarta take, a tsaye take kamar gunki, jitai ance " Wato Nafi kin fara zarewa ko?"

  Dasauri ta kalli inda maganar ta fito, Baffa ta gani a zaune, hannunta ta zare cikin tsoro ta kalleshi tsoru tsuru tace " Baffa.."
" Inajiyoki daga d'aki kina magana ke kadai wato zama ke kadai a gida yasa kin fara zarewa ko? "

  Tai kasa dakai cikin tsoro batace komai ba, baffa yai tsaki sannan ya juya kansa yace " damomin fura insha dare nayi."

   Cikin rawar murya tace " to Baffa yauma bazamuci abinci ba......"
Katseta yai cikin masifa yace " Inkin gaji dashan fura da nono kiyi zuciya kiyi aure, nifa banga dalilin dazaisa yarinya kin kai aure incigaba da ciyar dake ba, sannan haka kawai inada shanaye dayawa bazanje insai abinci ba ah to."

   Nafi bata amsa ba ta juya dan shiga d'akin dasuke ajiye fura, nan ta debo, ta d'ebo nono a kwarya ta zauna ta dama, itakam yanzu warin nono ma yafara damunta, tunda uwarta tabar kasar nan kullum abincin da suke ci kenan, sam Baffa ya rufe ido ita kuma tasan inya fita shago yana siyan shinkafa yaci amma ita kullum abinda takesha kenan.

  Tana gamawa ta zubomai a langa ta rufe ta daura ludayi ta kawomai, sannan ta dauki nata tai d'aki, kallan mutumin dake kwance tai, tace " Nasan kaima yunwa kake ji ko?"
  Matsawa tai ta kara tab'a goshinsa, da zafi har yanzu, nan ta matsa kusa dashi ta dan dagoshi kadan tasa kafarta ta tareshi, ta dinga deban furar data dama tana bashi a hankali da cokali, wani yasha wani ya zube, ganin yadan sha dayawa yasa ta mik'e jiki a sanyaye ta zare zanen data shimfida na saman ta goge mai jikinsa sannan ta dauke numfashinta itama tasha, dan sam batasan sha.

   Waje ta fito da kwaryar sannan ta koma ciki tare da tura kofarta ta rufe, kusa da mara lafiyar ta koma ta zauna, ta hard'e cinyoyinta kallansa kawai takeyi, sai dai tunaninta nakan mahaifiyarta, a haka har bacci yai awun gaba da ita.

    Wajen gabanin asuba ya bud'e idanunsa a hankali, yarinya ya gani kwance kusa dashi ta dan dukunkune jiki tana baccinta, kallanta yai sannan ya shiga kallan dakin, mamaki yashiga yi a ina yake hakan? Yadauka ya mutu shikam, Nan ya shiga juye juye, tare da kallan d'akin dakyau "wannan kuma inane hakan?"
  Gashidai kamar d'aki sai dai gaba daya baisan dame akai rufin dakin ba, sannan ba komai a dakin banda ta birmar dayake kai sai gefe kuma bakko da 'yan samiru, kokarin mik'ewa ya fara sai kuma yaga kamar yarinyar tana neman tashi, dasauri ya maida idanunsa ya rufe.

  Nafi ta mik'e zaune tare da sa hannu akan goshinsa,  murmushi ne ya bayyana a fuskarta jin zazzabin yaragu sosai,  ta kalleshi fuskarta dauke da murmushi tace " Zazzabin ya ragu aradu, dan binni ya kamata ka farfado ko na samu in baka hakurin abinda nai maka."
Tai kasa dakai tana murmushi tace " kaga sanda na sa bakina a naka a bakin ruwa wannan taimakon ka nai. "

   Shikam dake kwance jiyai kamar yasa ihu, bakinki?  Yamaimaita a ransa,  wayyo ni.
Tacigaba " sanda kuma na cire maka kaya har tsautsayi yasa na kalleka wannan shine zan baka hakuri, bansan me yasa na kafeka da ido ba.

  " wayyo na shiga uku,  kallon jikina?  Ciremin kaya?  Inalilahi,  hannu wa na fada haka?  Ba dai har wando tacire............?

   Jiyai ya kasa tunanin komai saboda tsoron abinda yake tunani.
  Nafi ta mike jin mostin baffa tasan yanzu zaice ta tashi tayi tatsar madara,  ta mike hartaje kusa da kofa ta juyo tace " kema kina shan madara? "
  Sai ta juya tana murmushi.

  Tana fita ya mike zaune da sauri ya duba wandansa,  ajiyar zuciya yai a sanda yaga wandansa nannan ya koma ya kwanta yana hakki kamar wanda yai gudu ba shakka ya tsorata kwarai,  tunani ya shiga yi ya zaiyi yai alwala yai sallah? 

   Muryar namiji ne ya katseshi yaji yana cewa " ke nafi? Ke Nafi. "

   Saurin amsawa tai daga garke tace "Baffa ganinan. "
  Ya kalli inda take yace " Dan gidan ku jiya bance ki karo wa dabobbi ruwa ba?? "

  Ta dan matso inda yake jiki a sanyaye tace " Baffa naga jiyan dare yayi nasan kuma bazakaso inje rafi dadaddare ba. "

  " to yar gidan manyan mutane, kin rika sosai wato ina miki magana shine bakiji kunyar maidamin ba ko??"
   Duk maganar da sukeyi da yarensu sukeyi hakan yasa baisan me suke cewa ba amma tabbas ya fahimci abu daya masifa akema yarinyar,  har kasan ransa yaji tausayinta masifa da sanyin safiyar nan?

   Nafi tai kasa dakai cikin hausarsa mara fita  yace " Kin wuce ko kuwa? "

   Nan ta shigo ta dau kallabinta tai waje,  yana kallan yanda take share kwalla dazata fita.

   Bokiti ta dauka cikin tsoro t nufi rafi,  tayi sa'a gari ya fara haske,  nan ta shiga debo ruwa sai datai sawu hud'u ta debo na karshen ne taje shiga gida taga maza carko carko a kofar gidan rike da sanda sunata masifa,  cikin mamaki ta kallesu sai dai ganin yanda ransu yake a b'ace yasa ta shige gidan sukuku....

   Tana juye ruwan ta shige daki dan da alama wad'annnan mutanen ba alheri ne ya kawo su ba,  zama tai a kusa dashi tace " kasan me?"

  "Bansan me wasu maza sukazo yi ba amma da alama masifa sukazo yi, hmmm basusan halin Baffa bane. "
  Tad'an tab'e baki tace " ni kaina tsoronsa nake gani nake kamar ba shi ya haifen ba,  mahaifiyata ma saboda masifarshi tsoronshi take,  hmmm bansan ko su basa tsoron Baffan ba. "

    Dariya yake a cikin ransa lalai wannan akwai surutu.

   Jitai an fasa abu yasa ta mik'e da sauri tai waje,  yabi bayanta dakallo tareda yin dariya lalai wannan yarinyar ga hausartata mai abin dariya.

   Tana fita taga mutanen nan ne suka  fasa musu randa,  ga mamakinta Baffa na zaune a gefe yana kallansu, wani daga cikinsu yace " wallahi kaji na fad'ama Datti ka bani kud'ina tun kafin rai ya b'aci. "

    Baffa ya juya kai yana murmushi yace " Nina rantar muku kud'i? "

  Mutumin yace " bakai bane amma ai matarka ce tace injika. "
  Yasa dariya yace " Matata?  Wa kenan? "

Haushi ya kara kamasu,  Nafi dake tsaye jikin kofa ta matso  kadan,  ai kuwa Mutumin na ganinta ya matso tare da rike hannunta yace " Uwar wannan yarinyar."

  Baffa yai dariya yace "Ali kasan Allah ficikata bazatai ciwo ba dan ba ninace ka bata uban kudi ba,  banda sacemin saniya datai har kake tunanin zan kara kashe mata wani kud? "

   Wanda ya kira da Ali shine ya matso a shekaru ya girmi baffa sai dai bai tsufa ba,  yace " Datti wlh in har ka cigaba da batan rai to kuwa zan dauki wannan 'yar taka amaimakon kud'ina ne.?

   Baffa ya bugamai wani kallo, Nafi wanda tsananin tsoro ya kamata ta kalli Baffa hawaye suka fara zubo mata.

  Baffa ya juyar da kai.
Ali yace " Aradun Allah ko ka biyani kud'ina ko kuma a yau d'innan insa a auramin 'yarka sai ka zab'a.
 

   Dan binni dake tsaye yana jinsu ya mike cikin tsananin mamaki kasancewar da hausa suke maganar yasa ya fahimta,  ya kula su masu masifar kamar hausawa ne, meke faruwa?
Muryar Nafi ce ta katseshi tana kuka tana cewa  " Baffa dan Allah ka taimakeni kaji? "

   Baffa ya kallesu kallan wulakanci yace " kuna tunanin saboda 'yata sai in sadaukar da dukiyata? "
Ya sa dariya yace " Dama na gaji da ita, in kanaso yanzu ma sai in aurama ita menene a ciki? "

    Ba Nafi ba ba kuma Dan binni ba hatta 'yan ansan bashi sai da tsananin mamaki ya kamasu,  Nafi ta kalli Mahaifinta cikin tsananin mamaki sam tama kasa magana banda rawa da jikinta ya shigayi.

  Baffa yai tsaki yace " Zancen banza kenan. "

  Ali ya kalli mutanen gun yace " kowa yaji abinda Datti yace ko?  "
Duk suka amsa da eh, Ali yace dan haka anjima da azahar zamu dawo a bakin nan za'a daura aure lalai zanga karyar iskaninka Datti. "

  Suna kainan suka saki Nafi suka juya.

    Nafi kam haf yanzu jikinta rawa yake,  baffa ya kalleta yace " ke menene damuwarki?  Ali fa nada kudi da dabobbi sannan matansa uku sai 'ya'ya guda sha shida kinga gwara ki aureshi can ki xauna cikin mutane ko kyafiyin hankali. "

    Yana kainan ya juya yai waje.

Dan binni yai tsuru yana kallan ikon Allah wace irin zuciya ce da wannan mutumin?  Bakomai a ransa sai dukiyarsa?

  

ZUCIYA......kowa da irin tasa. 2

ZUCIYA
kowa da irin tasa

   © NA AYUSHER MUHD

2⃣

   Kanta ta sake cusawa kan mutumin duk ta rikice, can ta tuna inda tasa kanta hakan yasa ta mike da sauri, jikinta na rawa, sai dai a wannan lokacin tsoronta yadan ragu ba kamar da ba.

  Hannu tasa ta zare takalmi mai saucikin dake kafarsa, sannan ta zare safar kafa ta gani kamar ta mutum sai kuma tausayin wanda ke kwance ya kamata, hannunsa ta kamo ta shiga kokarin jawoshi daga cikin ruwan, da kyar da nishi ta samu tadan jawoshi kadan, nan fa ta shiga kokarin murgunashi, nan ma da kyar da numfarfashi ta samu ta juyashi, tsugunawa tai a gabansa tana kallanshi.

    Tsoro ta fara ji kardai ya mutu? Nan tasa hannunta a sai tin hancinsa ta dan dade kadan jin baya numfashi yasa tsoro ya kara kamata, idanunta suka fara tara kwalla, hannunta tasa a saitin zuciyarsa, dariya ce ta bayanna a fuskarta a lokacin dataji bugun zuciyarsa.

Ta rufe fuskarta alamar kunya tace " Da ranta wallahi." Ta sake yin dariya tace " Wlh da ranta Allah da gaske."
  Ta sake dariya.

   Fuskarta ta zuro daf da tashi tana kallo, ba fari bane sannan kuma ba baki bane yanada kyau, hancinsa dogone, ta d'an yi murmushi sannan ta kalli kayansa tace " Kad'o ne wannan kam,  sannan da alama bama dan nan garin bane daga birni yake." Baki tad'an turo kadan ganin ita kadai take maganarta sannan ta shiga tunanin yanda zatai ta dawo da numfashinsa.

  Hannu tasa ta shiga danna mai kirji tana san ruwan daya shakka ya futo, sai dai ina,  ya shaka da yawa duk yanda ta zake tana dannawa ba alamar motsi a tattare dashi.

  Idanunta ne suka ciciko, ta kalleshi tace " Dan Birni ya zanyi?"

Ga ba kowa a gun, ta kafeshi da ido tana kallo jitake kamar tai ihu, tunawa tai sanda wasu fulanuwa suka ciro wani yaro daya fada ruwa kwanaki, tana kallo bayan sun danna mai kirji bai farfado ba sai wanda ya danna mai kirjin yasa bakinsa a nasa ya huramai iska alokacin mutane sukai ta ce masa dan iska, babar yaran tazo ta kwace danta itama tana masifa.

   A hankali ta matso itama da shirin kai bakinta, sai kuma ta tsaya ta kalleshi tace " Dan Birni ba iskanci zan maka ba kawai iska zan hurama, kaji? inka warke xan baka hakuri."

  Nan ta sa bakinta cikin nasa ta shiga huramai iska iyakar karfinta, sai datai tayi sannan can sai yadanyi tari sai ga ruwa dayawa ya zubo daga bakinsa, idanunsa ya bude a hankali ya kalleta, ta kifkiftamai ido tace " Hannu? Kin ganni?"

  Gani tai ya maida idanunsa ya rufe, sai dai yanzu numfashinsa na fita sai dai dad'an sauri yake fita, tai shiru tace " ya zanyi? Bacci yake? Ga dare nayi?"
  Jijigashi ta shiga yi tana cewa " Karkiyi bacci anan dan Allah kiyi hakuri ki tashi."

  Sam bataga alamar motsi a tattare dashi ba, ga gari ya fara rufewa, da sauri ta mike ta suri bokitin ruwanta ta nufi gida, tana shiga ta waiga taga bataga Baffa ba, ajiye ruwan tai ta karasa gun dabobbi ta dauko baro ta fito da sauri.

  Inda ta barshi anan yake babu alamun ya motsa, nan fa ta shiga kokarin d'orashi akan baron, sai dai ina.....sam ta kasa.
Duk wani karfi datake tunanin tanadashi ta sake akan mutumin sai dai daga ta dagoshi sai su fad'i tare, saboda rinjayarta dayake yi, duk su biyon sunyu butu butu dasu da jikakkiyar kasa, banda numfashin wahala ba abinda takeyi, ga duhu ya kawo kai, nan ta cigaba da gwadawa, dakyar da sid'in goshin wahala ta samu ta d'aurashi, tana daurashi hannunta ya kume ajikin baron.

  Kara tad'anyi saboda zafin dataji, sai dai tsoron rafin ta keyi dan duhu ya fara rufewa, da sauri ta shiga tura baron, sai dai dakyar shima take turawa kasancewar ba siminti bane ko kwalta a gun, iya wahala Nafi taji a wannan lokacin, har ta samu ta isa gida, tai sa'a baffa na kewaye (ban d'aki ) hakan yasa ta tura baron zuwa d'akinta tasani sarai mahaifinta ko wani ne zai mutu bazai taba yanda a kawoshi gidanshi ba koda kuwa dan uwansa ne bare wannan dabatasan inda ya fito  ba.

  Can gefen dakinta ta sa tabirmar datake kwanciya a kai ta shimfida zannuwa guda  uku sannan ta shiga  kokarin saukeshi, wannan karan batasha wahala sosai ba sai dai shi yadan kumu da bango garin saukeshi.

  Nan tasamai pillow ta kwantar dashi, itama nan ta zube ta kwanta dan tasha bakar wahala.

  Batai minti 3 a kwance ba taji muryar Baffa yana kwalla mata kira " Ke Nafi kina inane?"
  Dasauri ta mike ta kara jan labulen dakinta tai waje tace " ganinan Baffa."
  Yai tsaki yace " Bakida hankali ne zaki d'ebo ruwa baki zubama dabobin ba shinr zaki dangwarar anan? Ko ni kike jira in kai musu?"

  Kallan ruwan tai tadan yi kasa dakai tace " cikinane yadan murdamin kadan shiyasa......"
  "Ciki? Zancen banza kenan, dan cikinki ya murd'a sai ki barmin dabobi da kishi ruwa? Sannan ba madai kina nufin bokiti dayan nan kadai kika d'ebo ba ko?"

   Idanu tadan kifta na mara gaskiya, Datti ya shiga tafa hannu na mamaki yace " Lalai zance kwal ubanki kuwa a gidan nan, banza wacce mahaifiyarta ta gudu da kayan sata, sannan da auranta ta tafi yawan karuwanci."

  Idanun Nafi ne suka ciciko tai saurin yin kasa da idanunta a hankali tace " kayi hakuri Baffa wlh ba h......"

   "Billahilazi kika b'atamin rai goben nan sai in nemi wani can in aura miki, ni dama na gaji da ciyar dake abincin da bakisan darajarsa ba."
  Yanakainan yai waje a zuciye.
Tsugunnawa tai agun ta shiga wani irin kuka mai tsuma zuciya, tadade agun kafin taje ta maka alwalarta wacce batasan ko hakan akeyi ba, itadai kawai tasan ana wanke fuska, hannu da kafa, ta mike ta shigo daki tayi dunguren sallarta da batasan me ake cewa ba.

   Tana idarwa ta matso kusa da dan birni, kansa takai hannunta sai dai da sauri tadauke hannunta jin wani mugun zafi datai,  Mikewa tai da sauri tace " Hande inboni!! Karfa kad'on nan ya mutumin adaki in shiga uku?"
  Dasuri tai waje ta shiga lelekawa, abin haushi a can gefe suke wanda inzakaje rigar kusa dasu sai kayi tafiya mai dan yawa, gashi tana tsoron mahaifinta kar ya dawo yaga ba tannan.

   Komawa tai ciki, ta nufi d'akin baffa nan ta shiga duba gayayyakin magani ko zataga na zazzabi, tai sa'a kuwa ta samu nan ta sato rigarsa ta fito daga dakin, wuf ta shige d'akin ta.

    Tofa nan ake yinta gani take jikaken kayan dake jikinsa ne ya jawo mai zazzabin nan,  shiyasa ta dauko kayan baffa, to amma taya zata ciremai kayan dake jikinsa ta samai wannan?

  Tsayuwa tai akansa tai tsuru tsuru da ido tana tunani, maganin ta dauko ta jika a kofi sannan ta matso kusa dashi ta shiga bashi a hankali da cokali, wani yana shiga bakinsa wani kuma zubewa yake.

   Bayan ta gama ne ta kalleshi cikin kalaar tausayi tace ya zanyi dake?